Sjálfbærnimerki
Sjálfbærnimerki
Á árunum 2021 til 2022 fengu 15 fyrirtæki sjálbærnimerki Landsbankans. Vegna breytinga á löggjöf um sjálfbærni var tekin ákvörðun um að hætta að veita merkið.
Breytingar með innleiðingu flokkunarkerfis ESB
Sérstaða merkisins var sú að sjálfbær fjármálaumgjörð Landsbankans er tekin út af þriðja aðila sem staðfesti (e. second-party opinion) að umgjörðin sé í samræmi við viðurkenndar leiðbeiningar ICMA (e. International Capital Market Association) og kröfur markaðarins.
Síðan hefur flokkunarkerfi Evrópusambandsins um sjálfbær verkefni (e. EU Taxonomy) verið innleitt sem skilgreinir á samræmdan máta hvað geti talist vinna að sjálfbærni. Til grundvallar sjálfbærnimerki Landsbankans lágu víðtækari skilgreiningar en felast í flokkunarkerfinu. Landsbankinn hefur verið virkur þátttakandi í samræmdum skilgreiningum og mælingum á sjálfbærni og til þess að valda ekki misskilningi hefur verið tekin ákvörðun að hætta útgáfu sjálfbærnimerkisins.
Þau hlutu sjálfbærnimerkið
Til að hljóta sjálfbærnimerki Landsbankans þurfti fyrirtækið, eða verkefnið sem verið var að fjármagna, að uppfylla skilyrði um sjálfbærni sem sett voru fram í sjálfbærri fjármálaumgjörð bankans.
Hopp Reykjavík
Hopp Reykjavík, hefur fengið sjálfbærnimerkið þar sem yfir 90% af tekjum félagsins koma frá sjálfbærum verkefnum
AB-Fasteignir
AB-Fasteignir hafa fengið sjálfbærnimerkið vegna framleiðslu á endurnýjanlegri orku.
Svansprent
Svansprent hefur fengið sjálfbærnimerkið þar sem fyrirtækið er með vottun norræna umhverfismerkisins Svansins til staðfestingar á góðum árangri í umhverfismálum.
Prentmet Oddi
Prentmet Oddi ehf. hefur fengið sjálfbærnimerkið þar sem fyrirtækið er með vottun norræna umhverfismerkisins Svansins til staðfestingar á góðum árangri í umhverfismálum.
Ræstitækni
Ræstitækni ehf. hefur hlotið sjálfbærnimerkið fyrir Svansvottun á vöru og þjónustu.
Landsnet
Landsnet hf. hefur fengið sjálfbærnimerkið vegna flutnings á raforku með lágu kolefnisspori.
Sigtún þróunarfélag
Sigtún þróunarfélag hefur hlotið sjálfbærnimerkið fyrir Svansvottun á húsnæði í miðbæ Selfoss.
Brynja leigufélag
Brynja leigufélag hefur hlotið sjálfbærnimerkið fyrir útleigu á húsnæði á viðráðanlegu verði.
Byggingafélag Hafnarfjarðar
Byggingafélag Hafnarfjarðar, dótturfélag MótX ehf., hefur hlotið sjálfbærnimerkið vegna byggingar Svansvottaðs húsnæðis.
Hreinsitækni
Hreinsitækni ehf. hefur fengið sjálfbærnimerkið vegna starfsemi sinnar á sviði mengunarvarna og sjálfbærrar meðhöndlunar vatns og skólps.
Algalíf
Líftæknifyrirtækið Algalíf hefur fengið sjálfbærnimerkið fyrir framleiðslu á umhverfisvottaðri vöru.
Orkuveita Reykjavíkur
Orkuveita Reykjavíkur hefur fengið sjálfbærnimerkið vegna framleiðslu á rafmagni og hita með lágu kolefnisspori.
Ljósleiðarinn
Ljósleiðarinn ehf. hefur fengið sjálfbærnimerkið vegna uppsetningar og rekstrar ljósleiðara.
Útgerðarfélag Reykjavíkur
Útgerðarfélag Reykjavíkur hf. hefur fengið sjálfbærnimerkið vegna MSC vottaðra fiskveiða.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.
