Til eru nokkrar mismunandi leiðir til að stofna og eiga við kröfur. 

Mögulegt er að:

• Stofna staka kröfu með innslætti í netbanka fyrirtækja. Einnig er mögulegt að breyta og fella niður stakar kröfur.
• Stofna margar kröfur í einni aðgerð með upphali á Excel skjali. Mögulegt að nálgast sniðmát á vef bankans.
• Stofna kröfur og sækja greiðsluupplýsingar með textaskrám eða lesa þær beint inn í bókhaldskerfi með B2B. Tenging við bókhaldskerfið sparar notendum tíma við innslátt og dregur verulega úr villuhættu.

Við stofnun á kröfu verður hún sýnileg greiðanda í öllum netbönkum landsins. Þetta gildir bæði um almennar kröfur og valkröfur.

Útgefendur krafna ráða því einnig hvort kröfurnar séu líka prentaðar á greiðsluseðla eða annan pappír. Velji útgefendur að prenta seðlana er unnt er að velja um nokkrar leiðir fyrir prentun og útsendingar á greiðsluseðlum. Við útgáfu greiðsluseðla er algengt að bankinn prenti út og sendi greiðsluseðla fyrir hönd útgefenda og er þá um að ræða staðlaða útprentun.

Í netbankanum getur þú fylgst með því á myndrænan hátt hvernig greiðslur skila sér, greint greiðsluhegðun og sundurliðað greiðslur á einfaldan máta. Með stjórnborði getur þú hæglega breytt og síað framsetningu gagnanna og þannig fengið góða yfirsýn yfir framgang innheimtunnar.

Aðgengilegar eru skýrslur sem eru einfaldar í notkun og auðskiljanlegar. Enga sérstaka þekkingu eða þjálfun þarf til að nota þær, aðra en skilning á tölunum að baki innheimtu þíns fyrirtækis.

Með aukinni yfirsýn og greinarbetri skilningi á því hvernig innheimtan gengur má grípa til aðgerða til að bregðast við því sem miður gengur og bæta í aðferðir sem skila árangri. Þannig má svo dæmi sé tekið stilla milliinnheimtureglur eftir því hvað helst skilar árangri og fylgjast grannt með stökum viðskiptavinum sem valda kostnaði og setja upp sérstakar innheimtureglur til að bregðast við tiltekinni greiðsluhegðun.
Nánari upplýsingar - Innheimtuþjónusta netbanka fyrirtækja