Vikubyrjun 10. febrúar 2025
Peningastefnunefnd lækkaði vexti um 0,5 prósentustig í síðustu viku. Í þessari viku koma tölur um skráð atvinnuleysi og fjölda brottfara frá Leifsstöð auk þess sem Hagstofan framkvæmir verðkannanir vegna vísitölu neysluverðs. Uppgjörstímabilið í Kauphöllinni er síðan enn í fullum gangi.
10. febrúar 2025
Vikan framundan
- Í dag birtir Vinnumálastofnun skráð atvinnuleysi í janúar.
- Á þriðjudag birtir Ferðamálastofa brottfarir frá Keflavíkurflugvelli í janúar.
- Á miðvikudag birta Arion banki og Kvika banki uppgjör. Þann dag verða birtar verðbólgutölur í Bandaríkjunum.
- Á fimmtudag birta Eik, Heimar og Íslandsbanki uppgjör.
- Í vikunni fara fram verðmælingar vegna febrúarmælingar vísitölu neysluverðs.
Mynd vikunnar
Þegar talað er um taumhald peningastefnu er oftast átt við raunstýrivexti, þ.e. hverjir stýrivextir eru að teknu tilliti til verðbólgu. Einfaldasta leiðin er að horfa á muninn á stýrivöxtum og liðinni verðbólgu, þ.e. 12 mánaða verðbólgu. Önnur og ekki síðri leið til að meta raunstýrivexti er að horfa á muninn á stýrivöxtum og verðbólguvæntingum. Miðað við liðna verðbólgu eru raunstýrivextir eftir síðustu vaxtalækkun, 3,4% en sé miðað við meðaltal nokkurra mælikvarða á verðbólguvæntingar eru raunstýrivextir eftir ákvörðunina aðeins hærri, eða 4,1%. Á fundi vegna vaxtaákvörðunar í síðustu viku kom fram í máli seðlabankastjóra að ekki stæði til að létta á þessu taumhaldi enda gengi þetta að hans mati vel. Hann bætti við að vaxtalækkunarferlið væri að einhverju leyti drifið áfram af áframhaldandi lækkun verðbólgu. Því gerum við ráð fyrir að á næstu misserum verði vextir lækkaðir sem nemur hjöðnun verðbólgu og verðbólguvæntingum, ekki mikið meira.
Það helsta frá vikunni sem leið
- Peningastefnunefnd Seðlabanka Íslands lækkaði vexti bankans um 0,5 prósentustig. Meginvextir bankans, vextir á sjö daga bundnum innlánum, eru því 8,0%. Ákvörðunin var í samræmi við væntingar, en við spáðum 0,5 prósentustiga lækkun. Samstaða var í nefndinni, en allir nefndarmenn studdu ákvörðunina. Samkvæmt yfirlýsingunni er útlit fyrir áframhaldandi hjöðnun verðbólgu næstu mánuði, en þó væri enn verðbólguþrýstingur sem kallaði á „áframhaldandi þétt taumhald peningastefnunnar“. Þessi mál og fleiri voru rædd í hlaðvarpi sem við tókum upp í kjölfar ákvörðunarinnar.
- Samhliða vaxtaákvörðuninni birti SÍ Peningamál með uppfærðri hagspá. Bankinn hækkaði verðbólguspá sína fyrir árið í ár lítillega. Spáin færðist úr 4,1% á fyrsta ársfjórðungi og 3,2% á öðrum í 4,2% á þeim fyrsta og 3,5% á öðrum, sé miðað við spá bankans frá því í nóvember. Seðlabankinn lækkaði aðeins hagvaxtarspá sína fyrir árið 2025, úr 1,9% í 1,6%. Breyting á spánni fyrir árið 2025 skýrist af því að bankinn gerir nú ráð fyrir minni vexti einkaneyslu og neikvæðara framlagi utanríkisviðskipta, en aftur á móti kröftugri fjárfestingu.
- Hlutfall lausra starfa á íslenskum vinnumarkaði var 1,6% á 4. ársfjórðungi í fyrra og hefur ekki verið lægra síðan á 4. ársfjórðungi 2020.
- Verðbólga á evrusvæðinu hækkaði úr 2,4% í 2,5%. Englandsbanki lækkaði vexti um 0,25 prósentustig.
- Festi (fjárfestakynning), Sjóvá og SKEL birtu uppgjör. Eik og Eimskip birtu stjórnendauppgjör. Sýn birti afkomuviðvörun. Icelandair og Play birtu flutningstölur.
- Eik gaf út nýjan skuldabréfaflokk, Arion banki hélt útboð á sértryggðum skuldabréfum ásamt skiptiútboði, Lánamál ríkisins héldu útboð ríkisbréfa.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Greiningardeild Landsbankans spáir því að hagvöxtur verði 1,4% í ár og 2,1% á næsta ári. Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.