Fréttir
Reyna að nýta sér stolin kortanúmer - varist svikapósta
Undanfarið hefur verið töluvert um tilraunir til að blekkja fólk með trúverðugum skilaboðum í tölvupósti eða smáskilaboðum sem eru látin líta út eins og þau séu frá íslenskum fyrirtækjum. Ekki svara slíkum skilaboðum, ekki smella á hlekki og alls ekki gefa upp kortaupplýsingar eða lykilorð.
17. september 2020
Valitor varaði þann 16. september 2020 við svikapóstum í nafni Póstsins. Í honum var fólk beðið um að smella á hlekk þar sem farið var inn á falska greiðslusíðu sem var merkt Valitor.
Dæmi eru um að svikahrappar nýti sér kortaupplýsingarnar sem hafa fengið með þessum hætti og þurfa korthafar því að vera á varðbergi. Meðal þeirra leiða sem reynd eru við svikin er að skrá kortaupplýsingarnar í Apple Pay og ekki er ólíklegt að einnig verði reynt að skrá þær í aðrar greiðsluleiðir, s.s. Garmin Pay og Fitbit Pay. Fáir þú óvænt tilkynningu um að kortið þitt hafi verið skráð í Apple Pay, eða það skráð með öðrum hætti án þinnar vitundar, skaltu þegar í stað hafa samband við viðskiptabankann þinn.
- Þjónustuver Landsbankans – s. 410 4000, landsbankinn@landsbankinn.is eða í netspjalli
- Þjónustuver Valitor utan opnunartíma Landsbankans – s. 525 2000
Á Umræðunni eru leiðbeiningar um hvernig má þekkja og varast netsvikum.
Fréttin hefur verið uppfærð
Þú gætir einnig haft áhuga á
6. des. 2024
Í ávarpi sínu á hátíðarfundi Háskólasjóðs Eimskipafélags Íslands minnti Halla Tómasdóttir, forseti Íslands, á mikilvægi háskólamenntunar, nýsköpunar og rannsókna. Á fundinum kynntu þrír styrkhafar úr sjóðnum doktorsverkefni.
4. des. 2024
Við vekjum athygli á að þau sem eru með virka ráðstöfun á viðbótarlífeyrissparnaði inn á höfuðstól íbúðalána þurfa ekki að sækja sérstaklega um áframhaldandi nýtingu úrræðisins, heldur mun það endurnýjast sjálfkrafa um áramótin.
3. des. 2024
Stórmeistarinn Helgi Áss Grétarsson kom, sá og sigraði á Friðriksmóti Landsbankans, Íslandsmótinu í hraðskák, sem fram fór 1. desember í Landsbankanum í Reykjarstræti.
29. nóv. 2024
Ljósin verða tendruð á Hamborgartrénu 30. nóvember kl. 17.00 við hátíðlega athöfn þar sem Lúðrasveit Hafnarfjarðar leikur jólalög við jólatréð.
22. nóv. 2024
Landsbankinn gerir breytingar á hámarkslánstíma nýrra verðtryggðra íbúðalána og veðhlutföllum sem gilda um verðtryggð og óverðtryggð íbúðalán.
22. nóv. 2024
Landsbankinn breytir vöxtum inn- og útlána og tekur ný vaxtatafla gildi mánudaginn 2. desember 2024. Helstu breytingar eru eftirfarandi:
21. nóv. 2024
Hátt í 200 manns sóttu vel heppnaðan fund um hvernig hægt er að stækka fyrirtæki sem var haldinn í Landsbankanum í Reykjastræti 20. nóvember. Á fundinum fjölluðu eigendur og stofnendur þriggja fyrirtækja um hvernig þau stækkuðu sín fyrirtæki og áskoranirnar sem þau tókust á við.
18. nóv. 2024
Líkt og undanfarin ár veitti Landsbankinn styrk til góðs málefnis í nafni allra þeirra fyrirtækja sem hlutu viðurkenningu Creditinfo sem Framúrskarandi fyrirtæki. Að þessu sinni rann styrkurinn, fjórar milljónir króna, til Krýsuvíkursamtakanna.
14. nóv. 2024
Landsbankinn hf., Bál ehf. og Solvent ehf., sem eru eigendur að öllu hlutafé í Greiðslumiðlun Íslands ehf. (GMÍ), hafa ákveðið að bjóða hluti sína til sölu í opnu söluferli.
12. nóv. 2024
Alþjóðlega lánshæfismatsfyrirtækið S&P Global Ratings staðfesti í dag lánshæfismat Landsbankans og tilkynnti jafnframt um breytingu á horfum úr stöðugum í jákvæðar. Lánshæfismat bankans er því BBB+/A-2 með jákvæðum horfum.