Vikubyrjun 8. ágúst 2023
Í síðustu viku birti Hagstofan skráðar gistinætur í júní. Skráðar gistinætur voru 1.170 þúsund og hafa aldrei verið fleiri í júnímánuði. Erlendis þá lækkaði matsfyrirtækið Fitch lánshæfismat ríkissjóðs Bandaríkjanna úr AAA í AA+ og Englandsbanki hækkaði vexti um 0,25 prósentustig.
8. ágúst 2023
Vikan framundan
- Í dag birta Icelandair og Play flutningstölur fyrir júlí.
- Á fimmtudag birtir Ferðamálastofa fjölda brottfara um Leifsstöð, Vinnumálastofnun birtir skráð atvinnuleysi og VÍS birtir uppgjör.
Mynd vikunnar
Heildarfjöldi símaáskrifta hér á landi eru um 615 þúsund, samkvæmt gögnum Fjarskiptastofnunar. Þetta samsvarar 1,6 áskriftum á mann, þar af eru farsímaáskriftir 1,3 á mann og fastlínuáskriftir 0,3 á mann. Frá árinu 2010 hefur föstum farsímaáskriftum fjölgað um 73% á meðan fyrirframgreiddum farsímaáskriftum hefur fækkað um 4% og fastlínuáskriftum fækkað um 38%. Á sama tíma hefur landsmönnum fjölgað um 22%. Auk þess sem fastlínuáskriftum hefur fækkað hefur fjöldi mínútna á áskrift úr fastalínu einnig fækkað verulega. Meðalfjöldi mínútna í áskrift fyrir farsíma hélst nokkuð stöðugur þar til 2020, árið sem heimsfaraldurinn skall á, þegar mínútunum fjölgaði nokkuð.
Það helsta frá vikunni sem leið
- Skráðar gistinætur voru 1.170 þúsund í júní og hafa aldrei verið fleiri í júnímánuði. Þær eru um 160 þúsund fleiri en í júní 2022, þegar júnímetið var síðast slegið. Frá því í júní í fyrra hefur í hverjum mánuði verið slegið met í fjölda gistinótta þegar mánuðurinn er borinn saman við sama mánuð árin áður, að desember undanskildum.
- Matsfyrirtækið Fitch lækkaði lánshæfismat ríkissjóðs Bandaríkjanna úr AAA í AA+. Englandsbanki hækkaði vexti um 0,25 prósentustig. Hækkunin færir stýrivexti þar í landi upp í 5,25% en svo háir hafa þeir ekki verið síðan árið 2008.
- Ekkert skuldabréfaútboð var haldið í síðustu viku.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
23. okt. 2024
Velta í hagkerfinu jókst um 2,1% á milli ára í júlí og ágúst að raunvirði, samkvæmt virðisaukaskattskýrslum. Svo mikið hefur veltan ekki aukist frá því á VSK-tímabilinu janúar-febrúar árið 2023, þegar hagkerfið var enn að rétta úr kútnum eftir covid-samdráttinn.
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.