Vikubyrjun 9. desember 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
9. desember 2024
Vikan framundan
- Í dag er síðasti dagur í verðkönnunarvikunni fyrir desembermælingu vísitölu neysluverðs.
- Á þriðjudag birtir Ferðamálastofa brottfarir um Keflavíkurflugvöll og Vinnumálastofa birtir skráð atvinnuleysi.
- Á miðvikudag verða birtar verðbólgutölur í Bandaríkjunum.
- Á fimmtudag er vaxtaákvörðun hjá Seðlabanka Evrópu.
Mynd vikunnar
Á þriðja ársfjórðungi mældist 46 ma.kr. afgangur af viðskiptum við útlönd. Þetta kemur í kjölfar 34 ma.kr. halla á fyrsta ársfjórðungi og 38 ma. kr. halla á öðrum, en þriðji ársfjórðungur er sá fjórðungur sem kemur jafnan best út, enda háannatími ferðaþjónustu. Á fyrstu níu mánuðum ársins er hallinn því 26 ma.kr., sem er verulegur viðsnúningur frá því í fyrra þegar 63 ma. kr. afgangur mældist á sama tímabili. Það er mjög ólíklegt að það náist að vinna upp þennan halla á fjórða ársfjórðungi og því nokkuð öruggt að það mælist halli á viðskiptum við útlönd í ár. Þó ber að hafa í huga að þetta eru bráðabirgðatölur og ekki ólíklegt að þær verði endurskoðaðar upp á við seinna þó líklega náist ekki að vinna upp hallann í heild.
Það helsta frá vikunni sem leið
- Samkvæmt fundargerð peningastefnunefndar vegna vaxtaákvörðunarinnar í nóvember voru allir nefndarmenn sammála um að lækka ætti vexti og var rætt um 0,25 eða 0,50 prósentustig. Allir nefndarmenn samþykktu tillögu seðlabankastjóra um að lækka vexti um 0,50 prósentustig.
- Fjármálastöðugleikanefnd Seðlabankans gerði breytingar á eignfjárkröfur fjármálafyrirtækja. Nefndin lækkaði eiginfjárauka vegna kerfisáhættu á öll fjármálafyrirtæki um eitt prósentustig en hækkaði eiginfjáraukann á stóru þrjá kerfislega mikilvægu bankana um eitt prósentustig. Eiginfjárkröfur á Arion banka, Íslandsbanka og Landsbankann eru því óbreyttar, en lækka um prósentustig fyrir minni fjármálafyrirtæki.
- Heimild til skattfrjálsrar nýtingar séreignasparnaðar var framlengd um eitt ár.
- Amaroq lauk við hlutafjárútboð, Kaldalón birti upplýsingar úr rekstri félagsins, Icelandair birti flutningstölur, Festi og Högum bárust óskuldbindandi tilboð í Olíudreifingu og félag í meirihlutaeigu SKEL undirritaði samkomulag vegna kaupa á Hringrás.
- Alma hélt útboð á víxlum, Arion banki hélt útboð á sértryggðum skuldabréfum ásamt skiptiútboði, Lánamál ríkisins héldu skiptiútboð ríkisbréfa, Reykjavíkurborg frestaði fyrirhuguðu skuldabréfaútboði og Landsbankinn tilkynnti um endurkaupatilboð á víkjandi skuldabréfum á gjalddaga 2029 og útboð á víkjandi skuldabréfum á gjalddaga 2036.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.
19. feb. 2025
Um 122 þúsund ferðamenn komu til landsins í janúar, samkvæmt talningu Ferðamálastofu. Ferðamenn voru 5,8% færri en á sama tíma í fyrra sem er á skjön við þróun síðustu mánaða, en allt frá því í júlí sl. hefur ferðamönnum fjölgað á milli ára. Þótt ferðamönnum hafi fækkað í janúar hélt kortavelta þeirra áfram að aukast.
18. feb. 2025
Enn eru merki um að landsmenn hafi svigrúm til neyslu þrátt fyrir langvarandi hávaxtastig. Kortavelta eykst með hverjum mánuðinum, utanlandsferðir í janúar hafa aldrei verið jafnmargar og í ár og samt virðast yfirdráttarlán ekki hafa færst í aukana. Á sama tíma hefur slaknað þó nokkuð á spennu á vinnumarkaði, eftirspurn eftir vinnuafli hefur dvínað og atvinnuleysi tók stökk í janúar þegar það fór yfir 4%.
17. feb. 2025
Erlendum ferðamönnum í janúar fækkaði um 5,8% á milli ára samkvæmt talningu Ferðamálastofu sem birt var í síðustu viku. Einnig fóru fram verðmælingar Hagstofunnar vegna vísitölu neysluverðs í febrúar og spáum við því að verðbólga hjaðni niður í 4,3%. Í þessari viku fáum við kortaveltutölur frá Seðlabankanum, vísitölur íbúða- og leiguverðs frá HMS auk þess sem fundargerð peningastefnunefndar verður birt.
10. feb. 2025
Peningastefnunefnd lækkaði vexti um 0,5 prósentustig í síðustu viku. Í þessari viku koma tölur um skráð atvinnuleysi og fjölda brottfara frá Leifsstöð auk þess sem Hagstofan framkvæmir verðkannanir vegna vísitölu neysluverðs. Uppgjörstímabilið í Kauphöllinni er síðan enn í fullum gangi.
3. feb. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. feb. 2025
Halli af vöruviðskiptum jókst í fyrra, en ekki með sama hraða og síðustu tvö ár þar á undan. Að það hægi á aukningunni gæti verið merki um að jafnvægi sé að aukast í hagkerfinu, en á móti kemur að innflutningsverðmæti hafa aldrei verið meiri sem gæti verið merki um aukin umsvif.