Vikubyrjun 24. febrúar 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
24. febrúar 2025
Vikan framundan
- Á miðvikudag birtir Hagstofan veltu skv. VSK-skýrslum og Alvotech og Iceland Seafood birta uppgjör.
- Á fimmtudag birtir Hagstofan vísitölu neysluverðs fyrir febrúar. Við spáum því að verðbólga lækki í 4,3%. Hagstofan birtir líka vöru- og þjónustuviðskipti fyrir lokafjórðung síðasta árs. Brim og Nova klúbburinn birta uppgjör.
- Á föstudag birtir Hagstofan þjóðhagsreikninga fyrir lokafjórðung síðasta árs og þar með fyrir allt síðasta ár.
Mynd vikunnar
Hafrannsóknarstofnun hefur uppfært ráðleggingar um loðnuafla úr engum afla í 8,6 þúsund tonn. Loðnuafli skiptist alla jafna milli Íslands, Grænlands, Færeyja og Noregs í samræmi við samninga milli þessara þjóða. Af þessari úthlutun munu íslensk skip fá um 4,6 þúsund tonn í sinn hlut. Restin fer til Færeyja og Grænlands. Enginn samningur er nú í gildi milli Íslands og Noregs, og Norðmenn hafa því ekki heimild til að stunda loðnuveiðar í íslenskri lögsögu. Úthlutunin er því ekki upp á marga fiska og varla hægt að tala um loðnuvertíð, sem verður sú minnsta frá upphafi. Telja má ljóst að aflinn muni ekki hafa teljandi áhrif á útflutningstölur á árinu. Ekkert var veitt af loðnu á síðasta ári en árið 2023 voru veidd 326 þúsund tonn. Árið 2009 fannst heldur engin loðna og stefndi í loðnubrest, en þá gaf ráðherra út rannsóknarkvóta upp á 15 þúsund tonn.
Það helsta frá vikunni sem leið
- Kortavelta landsmanna var 6,5% meiri í janúar síðastliðnum en í janúar í fyrra, leiðrétt fyrir gengi og verðlagi. Innanlands jókst kortaveltan um 3,4% að raunvirði, en erlendis jókst hún um 18,4%, að teknu tilliti til gengis. Aukning kortaveltu erlendis er í takt við töluverða fjölgun utanlandsferða Íslendinga í mánuðinum en þær voru 22% fleiri en í janúar í fyrra. Erlend kortavelta innanlands jókst einnig í janúar, þrátt fyrir að ferðamönnum hafi fækkað.
- Vísitala íbúðaverðs hækkaði um 1,5% á milli mánaða í janúar. Hækkunin er nokkuð meiri en síðustu mánuði og hefur vísitalan ekki hækkað svo mikið síðan í febrúar 2024. Hækkunin skýrist af 3,7% hækkun á sérbýli á höfuðborgarsvæðinu á milli mánaða. Verð á sérbýli sveiflast mun meira en á fjölbýli, enda bæði töluvert færri og fjölbreytilegri eignir en fjölbýlisíbúðir og segja því minna um undirliggjandi verðþróun. Árshækkun vísitölu íbúðaverðs mældist 10,4% í janúar sem er nokkur hækkun frá því í desember, þegar árshækkunin mældist 7,7%.
- Vísitala leiguverðs á höfuðborgarsvæðinu lækkaði um 0,25% í janúar og lækkaði annan mánuðinn í röð. Síðustu 6 mánuði hefur hún aðeins hækkað um 0,2%. Árshækkun vísitölu leiguverðs mælist nú 12% og lækkar úr 12,6% árshækkun í desember.
- Seðlabankinn birti fundargerð peningastefnunefndar. Nefndin var sammála um að lækka vexti og ræddi hvort það ætti að lækka þá um 0,25 eða 0,5 prósentustig. Seðlabankastjóri lagði til 0,5 punkta lækkun sem var samþykkt af öllum nefndarmeðlimum.
- Launavísitala í janúar 2025 hækkaði um 3,1% á milli mánaða, sem er í takt við umsamdar áfangahækkanir á stærstum hluta vinnumarkaðar.
- Samkeppniseftirlitið samþykkti kaup Landsbankans á TM.
- Norræni fjárfestingabankinn (NIB) gaf út græn skuldabréf í íslenskum krónum.
- Play, Síminn og Sýn birtu uppgjör.
- Lánamál ríkisins og Hagar héldu víxlaútboð. Íslandsbanki hélt útboð á sértryggðum skuldabréfum, Reykjavíkurborg hélt skuldabréfaútboð og Lánamál ríkisins hélt útboð á nýjum flokki ríkisbréfa.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Greiningardeild Landsbankans spáir því að hagvöxtur verði 1,4% í ár og 2,1% á næsta ári. Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.