26. október 2018
Vikan framundan
- Í morgun birti Hagstofan vísitölu neysluverðs. Hagar birta 9 mánaða uppgjör í dag.
- Á þriðjudag birta Síminn og Icelandair 9 mánaða uppgjör.
- Á miðvikudag verður ný verðbólgu- og þjóðhagsspá Hagfræðideildar kynnt. Arion banki, Eik, Marel og Origo birta 9 mánaða uppgjör.
- Á fimmtudag birtir Sjóvá 9 mánaða uppgjör.
Mynd vikunnar
Á árunum 2013 til 2016 lækkuðu heildarskuldir heimilanna að raunvirði. Síðan í byrjun árs 2017 hafa skuldir heimilanna hins vegar hækkað á milli ára. Aukningin er eingöngu í lánum með veð í íbúðarhúsnæði, en aðrar skuldir eru enn að dragast saman að raunvirði. Húsnæðisverð hefur hækkað mikið undanfarin ár sem hefur skapað aukið veðrými í fasteignum. Þetta veðrými hefur verið hægt að nota til að fjármagna neyslu og endurfjármagna óhagstæðari lán með íbúðalánum.
Það helsta frá vikunni sem leið
- Landsbankinn, VÍS, TM, Kvika og Heimavellir birtu 9 mánaða uppgjör.
- Festi (áður N1) gaf frá sér jákvæða afkomuviðvörun.
- Hagstofan birti greiningu á rekstrar- og efnahagsreikningum viðskiptahagkerfisins út frá skattframtölum seinasta árs.
- Atvinnuleysi samkvæmt vinnumarkaðsrannsókn Hagstofu Íslands var 1,5% í september.
- Launavísitalan hækkaði um 0,6% milli mánaða í september.
- Seðlabanki Íslands birti tölur um bankakerfið í september.
- Seðlabankinn birti einnig seinni fjármálastöðugleikaskýrslu ársins.
- Orkuveita Reykjavíkur lauk skuldabréfaútboði, Lánasjóður sveitarfélaga lauk skuldabréfaboði, Lánamál ríkisins lauk útboð ríkisvíxla.
- Lánasjóður sveitarfélaga birti endurskoðaða útgáfuáætlun.
Hagtölur og markaðsupplýsingar
Hagtölur 29. október 2018 (PDF)
Þú gætir einnig haft áhuga á
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.