Vikubyrjun 20. nóvember 2023
Í nýjustu könnun á væntingum markaðsaðila, sem fór fram fyrir um tveimur vikum, töldu fleiri svarendur að taumhald peningastefnu væri of þétt en of laust. Þetta er viðsnúningur frá því sem verið hefur, en allt frá janúar árið 2020 hafa fleiri talið taumhaldið of laust.
20. nóvember 2023
Vikan framundan
- Á þriðjudag birtir HMS vísitölu íbúðaverðs á höfuðborgarsvæðinu.
- Á miðvikudag er vaxtaákvörðun hjá peningastefnunefnd. Við spáum óbreyttum vöxtum. Samhliða vaxtaákvörðuninni birtir Seðlabankinn Peningamál með nýrri þjóðhagsspá. Iceland Seafood birtir uppgjör.
- Á fimmtudag birta Hampiðjan og Síldarvinnsla uppgjör.
Mynd vikunnar
Í nýjustu könnun á væntingum markaðsaðila, sem fór fram 6.-8. nóvember, töldu 27% svarenda taumhald peningstefnu vera of þétt og aðeins 13% töldu það of laust. Þetta er í fyrsta sinn frá því í janúar árið 2020 sem þeir sem telja aðhaldið of þétt eru fleiri en þeir sem telja það of laust. Í síðustu tíu könnunum hafa markaðsaðilar talið aðhaldið of laust og í kjölfar birtingar niðurstaðnanna hefur peningastefnunefnd í hvert sinn hækkað vexti á næsta fundi.
Það helsta frá vikunni sem leið
- Seðlabankinn birti niðurstöður úr könnun á væntingum markaðsaðila. Verðbólguvæntingar til fimm ára voru óbreyttar í 4,0%, en til tíu ára lækkuðu þær úr 3,6% í 3,5%. Markaðsaðilar telja að meginvextir bankans hafi náð hámarki og að peningastefnunefnd muni hefji vaxtalækkunarferli strax á öðrum ársfjórðungi næsta árs. Nokkur breyting varð á áliti svarenda á taumhaldi peningastefnu, en að þessu sinni voru þeir sem töldu taumhaldið of þétt fleiri en þeir sem töldu það of laust.
- Í vikunni fóru fram verðmælingar fyrir nóvembermælingu vísitölu neysluverðs. Við spáum að verðbólgan verði 8,0% í nóvember. Við teljum að hún haldist nokkuð stöðug í desember en hjaðni svo þó nokkuð eftir áramót, niður í 7,3% í janúar og 6,7% í febrúar. Vísitalan hækkaði mjög milli mánaða í janúar og febrúar í ár og því má gera ráð fyrir að verðbólgan hjaðni við það að þær mælingar detti út úr ársverðbólgunni.
- Hagstofa Íslands gaf út þjóðhagsspá.
- Á hlutabréfamarkaði birtu Amaroq, Brim, Eik, Reitir og Reginn uppgjör. Hlutabréf Kaldalóns voru tekin til viðskipta á Aðalmarkaði Nasdaq Iceland.
- Á skuldabréfamarkaði hélt Lánamál ríkisins útboð ríkisbréfa, Kvika banki gaf út skuldabréf í sænskum og norskum krónum og ÍL-sjóður tilkynnti að það væri í undirbúningi að halda skiptiútboð þar sem eigendum íbúðabréfa gæfist kostur á að skipta á þeim fyrir markaðsverðbréf í eigu ÍL-sjóðs.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.