Vikubyrjun 20. janúar
Kortavelta jókst að raunvirði um 3,3% milli ára á 4. ársfjórðungi. Það er talsvert meiri vöxtur en á fyrri fjórðungum ársins þegar vöxtur mældist á bilinu 0,3-1,6% milli ára. Kortavelta í verslunum innanlands jókst um 3,6% og um 2,1 % erlendis. Aukin kortavelta á fjórða ársfjórðungi er ef til vill vísbending um kraftmeiri vöxt einkaneyslu á síðari hluta árs.
17. janúar 2020
Vikan framundan
- Í dag birta Hagar uppgjör fyrir 3. ársfjórðung 2019.
- Á þriðjudag birtir Þjóðskrá vísitölu íbúðaverðs fyrir desember á höfuðborgarsvæðinu.
- Á fimmtudag birtir Hagstofan mánaðarlega launavísitölu og niðurstöður úr vinnumarkaðsrannsókn sinni fyrir desember.
Mynd vikunnar
Kortavelta jókst að raunvirði um 3,3% milli ára á fjórða ársfjórðungi. Það er talsvert meiri vöxtur en á fyrri fjórðungum ársins þegar vöxtur mældist á bilinu 0,3-1,6% milli ára. Kortavelta í verslunum innanlands jókst um 3,6% og um 2,1% erlendis. Aukin kortavelta á fjórða ársfjórðungi er ef til vill vísbending um kraftmeiri vöxt einkaneyslu á síðari hluta árs.
Það helsta frá vikunni sem leið
- Greiðslukortavelta jókst undir lok árs.
- Heildarfjöldi erlendra ferðamanna í gegnum Leifsstöð dróst saman um 14,2% milli ára 2019.
- Skráð atvinnuleysi jókst mikið á síðasta ári.
- Eins og staðan er í dag lítur út fyrir að ekkert verði af loðnuvertíð á þessu ári og yrði það því annað árið í röð sem veiðar á loðnu bregðast.
- Fasteignaviðskipti í fyrra voru nánast jafnmörg og árið á undan.
- Seðlabankinn birti frétt um gjaldeyrismarkað, gengisþróun og gjaldeyrisforða(https://www.sedlabanki.is/library/Skraarsafn/ymsar-skrar/2020 Frettatilkynning islensk Gjaldeyrismarkadur og fordi - Copy (1).pdf) á árinu 2019.
- Samkvæmt tölum um veltu skv. virðisaukaskattsskýrslum í sep.-okt. 2019 jókst velta í fiskeldi og sjávarútvegi á milli ára en dróst saman í flugi.
- Heildarafli íslenskra fiskiskipa var 1.048 tonn á síðasta ári.
- VÍS birti afkomutilkynningu.
- Landsbankinn lauk útboði sértryggðra skuldabréfa og Lánasjóður sveitarfélaga lauk skuldabréfaútboði.
Hagtölur og markaðsupplýsingar
Hagtölur 20. janúar 2020 (PDF)
Þú gætir einnig haft áhuga á
12. ágúst 2024
Brottfarir erlendra ferðamanna um Keflavíkurflugvöll voru hálfu prósenti fleiri í júlí í ár en í fyrra. Fjöldi skráðra gistinótta útlendinga dróst minna saman í júní en síðustu mánuði. Noregur hefur sótt í sig veðrið sem vinsæll ferðamannastaður og hafa gistinætur þar aukist langmest af norðurlöndunum.
12. ágúst 2024
Brottfarir erlendra ferðamanna frá Keflavíkurflugvelli í júlí voru álíka margar og í fyrra, en brottförum Íslendinga fækkaði nokkuð á milli ára. Í þessari viku fara fram verðmælingar vegna ágústmælingar vísitölu neysluverðs og nokkur félög í kauphöllinni birta uppgjör.
6. ágúst 2024
Gistinóttum erlendra ferðamanna í öllum tegundum skráðra gististaða fækkaði um 1,4% á milli ára í júní. Það er nokkuð minni samdráttur en mældist í fjölda erlendra ferðamanna og erlendri kortaveltu.
1. ágúst 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
29. júlí 2024
Verðbólga mældist umfram væntingar í júlí og fór úr 5,8% í 6,3%, samkvæmt vísitölu neysluverðs sem Hagstofan birti í síðustu viku. Launavísitala fyrir júnímánuð var einnig birt í síðustu viku og hækkaði um 0,5% milli mánaða. Kaupmáttur launa er nokkurn veginn sá sami og á sama tíma í fyrra.
24. júlí 2024
Vísitala neysluverðs hækkaði um 0,46% milli mánaða í júlí, samkvæmt nýbirtum tölum Hagstofu Íslands. Ársverðbólgan hækkar því úr 5,8% í 6,3%, um 0,5 prósentustig. Það sem kom mest á óvart í tölunum var að sumarútsölurnar voru lakari en við bjuggumst við og verð á matarkörfunni hækkaði meira en við héldum. Við gerum nú ráð fyrir að ársverðbólgan verði 6,2% í ágúst, 6,1% í september og 5,6% í október. Spáin er um 0,2-0,3 prósentustigum hærri en síðasta verðbólguspá sem við birtum í verðkönnunarvikunni.
22. júlí 2024
Í síðustu viku birtust gögn sem gáfu til kynna talsverðan kraft á íbúðamarkaði um þessar mundir. Vísitala íbúðaverðs hækkaði um 1,4% milli mánaða í júní og vísitala leiguverðs um 2,5%.
18. júlí 2024
Vísitala íbúðaverðs hækkaði um 1,4% á milli mánaða í júní. Árshækkun vísitölu íbúðaverðs jókst úr 8,4% í 9,1% en svo mikil hefur árshækkunin ekki verið síðan í febrúar 2023. Leiguverð hækkaði einnig á milli mánaða í júní, alls um 2,5%. Mikil velta var á íbúðamarkaði í júní og ljóst að íbúðamarkaður hefur tekið verulega við sér.
15. júlí 2024
Erlendir ferðamenn voru 9% færri í júní á þessu ári en í júní í fyrra. Atvinnuleysi var 3,1% í júní og er áfram lítillega meira en á sama tíma í fyrra.
10. júlí 2024
Við spáum því að vísitala neysluverðs hækki um 0,15% á milli mánaða í júlí og að verðbólga aukist úr 5,8% í 5,9%. Við gerum ráð fyrir að júlímánuður verði nokkuð dæmigerður þar sem sumarútsölur verða til lækkunar á vísitölunni en flugfargjöld til útlanda til hækkunar. Við spáum nokkurn veginn óbreyttri verðbólgu í ágúst og september, en að verðbólga hjaðni í 5,4% í október.