13. júní 2022 - Greiningardeild
Vikan framundan
- Í dag birtir Vinnumálastofnun tölur um skráð atvinnuleysi í maí.
- Í vikunni lýkur verðmælingum vegna mælingar vísitölu neysluverðs í júní, en Hagstofan birtir hana miðvikudaginn 29. júní.
- Á miðvikudaginn birtir Seðlabankinn yfirlýsingu fjármálastöðugleikanefndar og gefur út tölur um greiðslumiðlun.
- Á fimmtudaginn gefur Hagstofan út ferðaþjónustureikninga fyrir síðasta ár.
Mynd vikunnar
Brottfarir Íslendinga frá Keflavíkurflugvelli í maí voru um 65 þúsund talsins og hafa þær ekki mælst svo margar í maí frá því mælingar hófust. Ferðaáhugi landsmanna hefur því aukist verulega og raunar aldrei verið jafn mikill og nú miðað við árstíð. Þegar mest var, í maí 2018, mældust brottfarir Íslendinga tæplega 63 þúsund. Brottfarir erlendra farþega frá landinu um Keflavíkurflugvöll voru rúmlega 112 þúsund í nýliðnum maímánuði, samkvæmt talningu Ferðamálastofu. Um er að ræða fimmta fjölmennasta maímánuð frá því mælingar hófust. Bandaríkjamenn hafa um árabil verið fjölmennastir þeirra sem fara af landi brott í maímánuði og hafa Bretar lengst af verið í öðru eða þriðja sæti.
Efnahagsmál
- Ferðamálastofa birti talningu á fjölda ferðamanna um Keflavíkurflugvöll í maí.
- Farþegahópurinn hjá PLAY var helmingi stærri í maí en í apríl og viðbótin nam nærri þriðjungi hjá Icelandair.
- Seðlabankinn birti raungengi íslensku krónunnar sem hækkaði um 1,3% miðað við mánuðinn á undan. Auk vísitölu raungengis birti Seðlabankinn talnaefni um fjármálareikninga fjármálafyrirtækja, lífeyrissjóði, efnahag Seðlabankans, gjaldeyris- og krónumarkaði.
- Vísitala neysluverðs í Bandaríkjunum hækkaði um 1 prósentustig á milli mánaða í maí en 12 mánaða verðbólga mælist nú 8,6% og hefur ekki mælst hærri síðan 1981.
- Seðlabanki Evrópu greindi frá ákvörðun um að hækkaði stýrivexti um 0,25 prósentustig.
Fjármálamarkaðir
- Lánamál ríkisins birtu markaðsupplýsingar.
- Hlutafjárútboði Nova Klúbbsins hf. lauk í lok síðustu viku.
- Íslandsbanki lauk útboði á sértryggðum skuldabréfum.
Hagtölur og markaðsupplýsingar
Þú gætir einnig haft áhuga á
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.