Vikubyrjun 12. desember 2022
Netverslun hér á landi er að jafnaði langmest í nóvember, enda eru þá stórir netútsöludagar eins og stakdagur (e. singles’ day) og stafrænn mánudagur (e. cyber-Monday). Velta í netverslun í nóvember í ár mældist ríflega 6 ma. kr. og var um það bil tvisvar sinnum meiri en að meðaltali hina 11 mánuði ársins.
12. desember 2022
Vikan framundan
- Í dag birtir Ferðamálastofa tölur yfir brottfarir um Leifsstöð í nóvember.
- Á þriðjudag birtir Vinnumálastofnun skráð atvinnuleysi. Sama dag koma verðbólgutölur frá Bandaríkjunum.
- Á miðvikudag tilkynnir bandaríski seðlabankinn um vaxtaákvörðun.
- Á fimmtudag birtir Seðlabanki Íslands kortaveltutölur fyrir nóvember. Þann dag tilkynna bæði Seðlabanki Evrópu og Englandsbanki um vaxtaákvörðun.
Mynd vikunnar
Netverslun hér á landi er að jafnaði langmest í nóvember, enda eru þá stórir netútsöludagar eins og stakdagur (e. singles’ day) og stafrænn mánudagur (e. cyber-Monday). Núna í nóvember var velta í netverslun 6,2 ma. kr., sem samsvarar um 13% af allri veltu innlendra greiðslukorta í verslunum þann mánuðinn og var um það bil tvisvar sinnum meiri en að meðaltali hina 11 mánuði ársins. Þrátt fyrir mikla veltu og vöxt miðað við aðra mánuði ársins mældist netverslun 7% minni að raunvirði í nóvember í ár en í nóvember í fyrra. Hápunktur netverslunar var í nóvember 2020, þegar samkomutakmarkanir voru í gildi vegna faraldursins. Þá nam hún samtals 8,4 mö. kr. miðað við núverandi verðlag.
Helsta frá vikunni sem leið
- Seðlabankinn birti fundargerð peningastefnunefndar vegna vaxtaákvörðunar í lok nóvember. Nefndin ræddi bæði að halda vöxtum óbreyttum og að hækka þá um 0,25 eða 0,5 prósentustig. Allir nefndarmenn studdu tillögu seðlabankastjóra um að hækka vexti um 0,25 prósentustig, en einn nefndarmaður lét bóka að hann hefði þó fremur kosið að hækka vexti um 0,5 prósentustig. Seðlabankinn birti einnig yfirlýsingu fjármálastöðugleikanefndar.
- Samkvæmt bráðabirgðatölum var 42 ma. kr. halli á vöruviðskiptum við útlönd í nóvember. Þetta kemur í kjölfar 58 ma. kr. halla í október og er hallinn þessa tvo mánuði því um 100 ma. kr. Þar með er alveg útséð um að það verði afgangur af viðskiptum við útlönd í ár: Verulegur halli mældist í viðskiptum við útlönd á fyrstu níu mánuðum ársins og litlar sem engar líkur eru á að afgangurinn af þjónustuviðskiptum á fjórða ársfjórðungi nái að vinna upp þann halla á vöruviðskiptum sem kominn er á 4. ársfjórðungi.
- Rannsóknasetur verslunarinnar birti samantekt á kortaveltu í verslun fyrir nóvembermánuð.
- Á skuldabréfamarkaði seldu Kvika banki, Reykjavíkurborg og Alma íbúðafélag skuldabréf í síðustu viku. Lánamál ríkisins birti Markaðsupplýsingar.
- Af hlutabréfamarkaði var það helst að frétta í síðustu viku að hlutabréf í Alvotech voru tekin til viðskipta á Aðalmarkaði Nasdaq á Íslandi og Origo lækkaði hlutafé félagsins með greiðslu til hluthafa, einkum vegna sölu félagsins á eignarhluta þess í Tempo fyrr á árinu. Icelandair og Play birtu flutningstölur fyrir nóvember.
- Að lokum minnum við á hlaðvarpsþátt sem við tókum upp í vikunni þar sem við ræddum nýútkomna greiningu á stöðu verslunar og þjónustu á Íslandi..
Hagtölur og markaðsupplýsingar
Þú gætir einnig haft áhuga á
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.