Samkvæmt nýbirtum tölum Þjóðskrár Íslands hækkaði vísitala íbúðaverðs á höfuðborgarsvæðinu um 0,7% milli október og nóvember sem er talsvert minni hækkun en hefur sést á síðustu mánuðum, eða sú minnsta síðan í júlí á þessu ári. Árshækkun vísitölunnar mælist nú 17% og lækkar um 0,1 prósentustig frá fyrri mánuði.
Fjölbýli hækkaði um 1% milli mánaða í nóvember og sérbýli lækkaði um 0,5%. Þetta er í fyrsta sinn sem sérbýli lækkar síðan í febrúar, en hækkanir á sérbýli hafa alla jafna verið meiri en á fjölbýli það sem af er ári og kemur því ekki endilega á óvart að sjá sérbýli gefa örlítið eftir nú.
Almennt verðlag án húsnæðiskostnaðar hækkaði um 0,16% milli mánaða í nóvember og hækkaði raunverð íbúða, þ.e. verð á íbúðum umfram annað, um 0,5% milli mánaða sem er minnsta hækkun sem hefur sést síðan í febrúar á þessu ári og mögulega til marks um það að íbúðaverð þróist í auknu samræmi við annað verðlag.
Íbúðaverð tók að hækka nokkuð hratt á vordögum, þegar mest lét sáust hækkanir upp á 3,3% milli mánaða, og er nýjasta mælingin því kærkomin tilbreyting frá því sem hefur ríkt á árinu. Of snemmt er þó að segja til um hvort almennt sé farið að hægja á, þar sem hátt hlutfall íbúða selst enn yfir ásettu verði og sölutími mælist stuttur.
Lesa Hagsjána í heild:
![Hús í Reykjavík](https://images.prismic.io/landsbankinn/5024e55f-16d3-43f9-b606-ab01dbe5921f_hus-reykjavik-1920.jpg?fit=max&w=3840&&q=50)
![Gönguleið](https://images.prismic.io/landsbankinn/33cdc5f2-10ba-4d29-a88e-3db117f83c02_Gullfoss-gonguleid.jpg?fit=max&w=3840&&q=50)
![Fataverslun](https://images.prismic.io/landsbankinn/1da63ef3-f754-4e33-85b0-ae3d774b3971_Fataverslun.jpg?fit=max&w=3840&&q=50)
![](https://images.prismic.io/landsbankinn/a923b976-0b6c-45a6-b7b7-b7efbe46320a_Landsbankinn_Irma_Abstrakt_016.jpg?fit=max&w=3840&rect=397,396,745,559&q=50)
![](https://images.prismic.io/landsbankinn/028a0757-28f9-4183-b615-499104716808_Landsbankinn_Irma_Abstrakt_018.jpg?fit=max&w=3840&rect=0,140,1168,876&q=50)
![Litríkir bolir á fataslá](https://images.prismic.io/landsbankinn/0715ffd5-f0a2-446e-bbf1-561d88cd1730_Fataverslun-bolir-varasamt-kortagengi.jpg?fit=max&w=3840&rect=240,0,1440,1080&q=50)
![Flugvél á flugvelli](https://images.prismic.io/landsbankinn/c68d10e5-e50c-4447-8778-bd06a35cab8f_Jet-Brussels-iStock-1161966623.jpg?fit=max&w=3840&rect=1119,770,2455,1841&q=50)
![](https://images.prismic.io/landsbankinn/2fffc01a-44b7-44ee-bdc1-b8bd2c29c1ea_5.jpg?fit=max&w=3840&rect=55,0,1708,1281&q=50)
![Bílar](https://images.prismic.io/landsbankinn/135415c5-fb94-4d8d-8130-b0c165cf7c82_LB_Brimborg_Festi_V4A9178_1920.jpg?fit=max&w=3840&rect=94,295,1305,979&q=50)
![Paprika](https://images.prismic.io/landsbankinn/a06f0e51-f8d7-4614-95bf-d3f9a1b06eba_Paprika-iStock-518590344-2020.jpg?fit=max&w=3840&rect=210,0,1600,1200&q=50)