Notkun á L.is, farsímavef Landsbankans, fjórfaldast
Nýtt öryggiskerfi án auðkennislykla, besti farsímavefur landsins og ör þróun í netbanka hefur skilað sér í stóraukinni notkun viðskiptavina á netbankalausnum Landsbankans. Frá því í nóvember hafa heimsóknir á L.is fjórfaldast, sem er langt umfram væntingar, en L.is hlaut viðurkenningu sem besti smá- og handtækjavefurinn á Íslensku vefverðlaununum í janúar á þessu ári.
Landsbankinn hefur lagt mikla áherslu á að þróa notendavænar tæknilausnir til að ýta undir rafræn samskipti við viðskiptavini, bæði í netbanka og farsímum. Stórt skref var stigið í nóvember 2012 með innleiðingu nýs öryggiskerfis fyrir netbanka sem jók öryggi gegn fjársvikum og gerði auðkennislykla óþarfa. Um svipaði leyti opnaði Landsbankinn nýjan og endurbættan L.is og hefur síðan kynnt ýmsar nýjungar í farsímanum, m.a. millifærslur á netföng og farsímanúmer, svokallaðar snjallgreiðslur.
Mikil ánægja viðskiptavina
Þessar breytingar hafa mælst afar vel fyrir. Ánægja viðskiptavina með netbanka Landsbankans eykst stöðugt og heimsóknir á L.is, hafa fjórfaldast. Þær voru 22.000 í nóvember en eru orðnar tæplega 90.000 í mars.
Samkvæmt könnun PwC á ánægju viðskiptavina með farsímalausnir stóru bankanna voru 88,3% viðskiptavina Landsbankans ánægðir með farsímalausn bankans, sem er töluvert hærra hlutfall en hjá öðrum bönkum. Heildaránægja með netbanka einstaklinga var einnig mest hjá viðskiptavinum Landsbankans.
Netbankanotkun að breytast
Netbankanotkun breytist hratt. Bætt aðgengi og betri hönnun færir notkunina úr hefðbundnum netbanka yfir í farsímann. Landsbankinn tekur virkan þátt þeirri þróun, færir þjónustuna nær notandanum og svarar með því kröfum um að bankaviðskipti eigi að fara fram þegar viðskiptavininum hentar.
Nánar um L.is
L.is er sérhannaður vefur fyrir smá- og handtæki. Hann er aðgengilegur á flestum farsímum, snjallsímum sem öðrum. Á L.is er farsímaútgáfa netbankans sem býður upp á allar algengustu aðgerðir netbanka einstaklinga og stöðugt er verið að bæta við aðgerðum.
Á L.is er einnig hægt að fletta upp útibúum og hraðbönkum Landsbankans, sjá staðsetningu þeirra á korti og fá leiðbeiningar til að komast á staðinn. Fá má upplýsingar um Aukakrónustöðu og samstarfsaðila Aukakróna, skoða gengi gjaldmiðla og fá aðrar upplýsingar af fjármálamörkuðum, lesa fréttir og ýmislegt fleira.
Aðalvefur bankans – landsbankinn.is – aðlagar sig að því tæki sem er verið að nota hverju sinni (e. responsive) svo auðvelt og þægilegt er að nota hann í farsíma eða spjaldtölvu.
Þessar lausnir eiga það sameiginlegt að þær virka á öllum nettengdum símum, óháð stýrikerfi þeirra. Landsbankinn leggur áherslu á að bjóða farsímalausnir sem tryggja öllum viðskiptavinum sömu þjónustuna.
![Lúðrasveit á Menningarnótt](https://images.prismic.io/landsbankinn/ZsXDcUaF0TcGJKZX_Feature_18009.jpeg?fit=max&w=3840&rect=0,0,800,600&q=50)
![Eystra horn](https://images.prismic.io/landsbankinn/918043a6-cbf1-47cb-bc18-c7f87bee94a8_Landsbref-fjall.jpg?fit=max&w=3840&rect=87,0,1708,1281&q=50)
![Flutningaskip við Vestmannaeyjar](https://images.prismic.io/landsbankinn/eb63e91b-2dd7-49e6-b216-7219f2044d85_Flutningaskip-1920.jpg?fit=max&w=3840&&q=50)
![Netbanki](https://images.prismic.io/landsbankinn/92e7a426-af51-430b-95d2-9ceeef1f1d2a_Tolva-2023-Netbanki-einstaklinga.png?fit=max&w=3840&&q=50)
![](https://images.prismic.io/landsbankinn/ZpUzJh5LeNNTxKWz_landsbankinn_gay_pride-5_medium1600x1067.jpg?fit=max&w=3840&&q=50)
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)
![Austurbakki](https://images.prismic.io/landsbankinn/ced8837c-715d-4bd8-921f-a043ee61f45e_Austurbakki.png?fit=max&w=3840&&q=50)
![Björn A. Ólafsson](https://images.prismic.io/landsbankinn/ZobJ9h5LeNNTwzOO_LB2024_BK210509.jpg?fit=max&w=3840&&q=50)
![Landsbankinn.pl](https://images.prismic.io/landsbankinn/ZoU3LR5LeNNTwwKc_tolva-pl-2024.jpg?fit=max&w=3840&&q=50)