9. maí 2022 - Greiningardeild
Vikan framundan
- Á þriðjudag birtir Vinnumálastofnun tölur um skráð atvinnuleysi í apríl og Ferðamálastofa birtir talningu á fjölda ferðamanna um Leifsstöð í apríl.
- Á miðvikudag birtir Sýn árshlutauppgjör.
- Á fimmtudag birta Eimskip og Kvika banki árshlutauppgjör.
- Í vikunni fara fram verðmælingar vegna maímælingar vísitölu neysluverðs, en Hagstofan birtir hana mánudaginn 30. maí.
Mynd vikunnar
Seðlabankinn brást við efnahagssamdrættinum vegna Covid-faraldursins með því að lækka vexti. Tölur um útlán lánakerfisins benda til þess að heimilin hafi nýtt sér þetta frekar en fyrirtækin, en útlán til fyrirtækja voru nokkurn veginn óbreytt 2020 og drógust saman 2021, þrátt fyrir vaxtalækkanir. Þess ber samt að geta að sum fyrirtæki hafa sótt fjármögnun beint á markað eða í gegnum sérstaka fagfjárfestasjóði sem kann að skýra samdráttinn að hluta. Ólíkt fyrirtækjalánum jukust útlán til heimilanna allt faraldurstímabilið. Þessi mikli útlánavöxtur til heimilanna var að miklu leyti í formi íbúðalána, sem skilaði sér síðan í hækkunum á fasteignaverði.
Efnahagsmál
- Peningastefnunefnd hækkaði vexti bankans um 1 prósentustig í síðustu viku og eru meginvextir bankans, vextir á 7 daga bundnum innlánum, 3,75% eftir ákvörðunina. Nefndin hefur þar með hækkað vexti um samtals 3 prósentustig síðan hún hóf vaxtahækkanir í maí í fyrra. Ákvörðunin var í samræmi við væntingar okkar.
- Samhliða vaxtákvörðuninni birti SÍ maíhefti Peningamála með nýrri þjóðhags- og verðbólguspá. Þar er gert ráð fyrir yfir 8% verðbólgu bæði á þriðja og fjórða fjórðungi ársins. Þetta er mun meiri verðbólga en bankinn spáði í febrúar en bankinn spáði þá 5,3% verðbólgu á þriðja fjórðungi og 4,7% á fjórða fjórðungi.
- Seðlabankinn birti talnaefni um raungengi, gjaldeyrismarkað, krónumarkað, efnahag Seðlabankans og lífeyrissjóði.
- Hagstofan birti tölur um losun frá hagkerfinu 2021 og vöru- og þjónustujöfnuð í janúar.
Fjármálamarkaðir
- Arion banki, Eik, Festi (fjárfestakynning), Íslandsbanki, Landsbankinn, Origo, Reginn, Sjóvá og VÍS (fjárfestakynning) birtu árshlutauppgjör fyrir fyrsta ársfjórðung.
- Almenn lækkun var á hlutabréfamörkuðum í apríl.
- Icelandair birti flutningstölur fyrir apríl.
- Reykjavíkurborg hélt skuldabréfaútboð, Arion banki hélt útboð sértryggðra skuldabréfa og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.