8. mars 2021 - Greiningardeild
Vikan framundan
- Í næstu viku fara fram verðmælingar vegna marsmælingar vísitölu neysluverðs.
- Í dag birtir Seðlabankinn útreikning á raungengi í febrúar
- Á þriðjudag birta Lánamál ríkisins mánaðarlegt markaðsupplýsingarit sitt.
- Á miðvikudag birtir Vinnumálastofnun skráð atvinnuleysi í febrúar og Ferðamálastofa talningu á ferðamönnum um Leifsstöð.
- Á fimmtudag birtir Hagstofan fjármál hins opinbera fyrir 2020.
Mynd vikunnar
Á fimmtudag í síðustu viku fór fram ráðherrafundur OPEC og helstu olíuframleiðenda heims (fyrir utan Bandaríkin og Kanada). Ríkin ákváðu að auka ekki olíuframleiðslu næstu mánuði, en þessi ríki höfðu dregið úr framleiðslu til þess að bregðast við lækkun olíuverðs vegna minni eftirspurnar í kjölfar Covid-19-faraldursins. Heimsmarkaðsverð á olíu hækkaði töluvert í kjölfarið. Heimsmarkaðsverð á olíu hækkaði síðan áfram á föstudag og kostaði fatið af Brent meira en 69 USD/fatið í lok dags á föstudag. Þetta er hæsta gildið síðan í janúar í fyrra, þegar Covid-19-faraldurinn var rétta að byrja.
Það helsta frá síðustu viku:
- Í fyrra var 31 ma.kr. afgangur af viðskiptum við útlönd.
- Afgangur af vöru- og þjónustuviðskiptum nam 10,9 mö.kr. á fjórða ársfjórðungi.
- Samkvæmt vinnumarkaðsrannsókn Hagstofunnar er áfram mikill slaki á vinnumarkaði.
- Svo virðist sem mun meira hafi verið byggt af nýju húsnæði í fyrra en bráðabirgðatölur og spár gerðu ráð fyrir.
- Lífeyrissparnaður nam 6.050 mö.kr. í lok árs í fyrra.
- Vinnumálastofnun bárust tvær tilkynningar um hópuppsagnir í febrúar.
- Hagstofan birti bráðabirgðatölur um vöruviðskipti í febrúar, aflaverðmæti 2020 og veltu skv. virðisaukaskattsskýrslum.
- Krónan styrktist í febrúar.
- Landsbankinn seldi sértryggð bréf að nafnvirði 5,9 ma.kr. í útboði í febrúar. Hvorki Arion banki né Íslandsbanki héldu útboð.
- Eik lauk sölu á nýjum skuldabréfaflokki (þriðjudag), Reykjavíkurborg lauk skuldabréfaútboði (miðvikudag), Reginn lauk skuldabréfaútboði (fimmtudag) og Eik lauk skuldabréfaútboði (föstudag).
Hagtölur og markaðsupplýsingar
Þú gætir einnig haft áhuga á
6. jan. 2025
Í vikunni birtir Vinnumálastofnun skráð atvinnuleysi í desember og birtar verða tölur um atvinnuleysi í Bandaríkjunum. Einnig fara fram verðmælingar vegna vísitölu neysluverðs, en Hagstofan birtir mælinguna fimmtudaginn 30. janúar.
2. jan. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.