27. janúar 2025
Vikan framundan
- Á miðvikudag tekur Seðlabanki Bandaríkjanna ákvörðun um vexti.
- Á fimmtudag birtir Hagstofan vísitölu neysluverðs. Við teljum að verðbólga hjaðni í 4,6%. Seðlabanki Evrópu tekur ákvörðun um vexti og þjóðhagsreikningar verða birtir fyrir bæði Bandaríkin og evrusvæðið. Landsbankinn og Icelandair birta uppgjör þennan dag.
- Á föstudag birtir Seðlabankinn niðurstöður úr væntingakönnun markaðsaðila.
Mynd vikunnar
Samkvæmt gögnum sem birtust í nýrri mánaðarskýrslu Húsnæðis- og mannvirkjastofnunar (HMS) seldust rúm 20% íbúða í Reykjavík yfir ásettu verði á haustmánuðunum, september til nóvember, og hefur hlutfallið lækkað síðustu mánuði eftir að hafa hækkað sífellt meirihluta síðasta árs. Af sveitarfélögum höfuðborgarsvæðisins mældist hlutfallið einungis hærra í Mosfellsbæ þar sem 25% íbúða seldust yfir ásettu verði á umræddum mánuðum. Miklar sveiflur hafa verið í þróun þessa hlutfalls á allra síðustu árum en það fór hæst í 60% um mitt árið 2022. Mögulega eru þessi gögn vísbending um að ró sé að færast yfir íbúðamarkaðinn þó of snemmt sé að fullyrða um það.
Það helsta frá vikunni sem leið
- HMS birti vísitölu íbúðaverðs sem lækkaði um 0,6% á milli mánaða í desember. Þetta kemur í kjölfar 0,8% hækkunar mánuðinn á undan. Íbúðaverð hefur nú hækkað um 7,7% á síðustu 12 mánuðum og lækkar árstakturinn úr 10,6% í nóvember. HMS birti einnig vísitölu leiguverðs sem lækkaði um 0,9% á milli mánaða í desember. Sú vísitala hafði ekki lækkað síðan í september. 12 mánaða hækkun vísitölunnar nemur nú 12,6%. Til grundvallar eru leigusamningar sem voru gerðir í nóvember og desember. Stofnunin birti einnig mánaðarskýrslu janúarmánaðar.
- Laun hækkuðu um 0,4% á milli mánaða í desember samkvæmt launavísitölu sem Hagstofan birti. Alls hækkuðu laun um 6,6% í fyrra, sem er í takt við spár, og minni hækkun en hefur sést árin á undan. Kaupmáttur jókst um 0,7% í fyrra.
- Arion banki birti drög að uppgjöri, Amaroq fékk nýtt rannsóknaleyfi, Íslandsbanki og VÍS tilkynntu um samstarf og Ölgerðin gerði samkomulag um kaup á Gæðabakstri.
- Íslandsbanki hélt útboð á almennum skuldabréfum, Reykjavíkurborg hélt skuldabréfaútboð, Arion banki gaf út skuldabréf í Bandaríkjadölum Lánamál ríkisins héldu útboð ríkisbréfa.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.
19. feb. 2025
Um 122 þúsund ferðamenn komu til landsins í janúar, samkvæmt talningu Ferðamálastofu. Ferðamenn voru 5,8% færri en á sama tíma í fyrra sem er á skjön við þróun síðustu mánaða, en allt frá því í júlí sl. hefur ferðamönnum fjölgað á milli ára. Þótt ferðamönnum hafi fækkað í janúar hélt kortavelta þeirra áfram að aukast.
18. feb. 2025
Enn eru merki um að landsmenn hafi svigrúm til neyslu þrátt fyrir langvarandi hávaxtastig. Kortavelta eykst með hverjum mánuðinum, utanlandsferðir í janúar hafa aldrei verið jafnmargar og í ár og samt virðast yfirdráttarlán ekki hafa færst í aukana. Á sama tíma hefur slaknað þó nokkuð á spennu á vinnumarkaði, eftirspurn eftir vinnuafli hefur dvínað og atvinnuleysi tók stökk í janúar þegar það fór yfir 4%.