23. ágúst 2021 - Greiningardeild
Vikan framundan
- Í dag birtir Hagstofan launavísitölu fyrir júlímánuð. Reitir birta uppgjör.
- Á miðvikudag er vaxtaákvörðun hjá SÍ og við spáum óbreyttum stýrivöxtum. SÍ birtir ágústhefti Peningamála með uppfærðri þjóðhagsspá, Hagstofan birtir vöru- og þjónustujöfnuð fyrir 2F og Eik birtir uppgjör.
- Á fimmtudag birtir Hagstofan niðurstöður vinnumarkaðsrannsóknar fyrir júlí. Brim, Kvika banki og Origo birta uppgjör.
- Á föstudag birtir Síldarvinnslan uppgjör.
Mynd vikunnar
110 þúsund erlendir farþegar fóru af landi brott í gegnum Leifsstöð í júlí, sem er um helmingi færri en í júlí 2019 þegar 230 þúsund erlendir farþegar fóru í gegnum Leifsstöð. Nokkur breyting hefur orðið á samsetningu eftir markaðssvæðum miðað við stöðuna fyrir heimsfaraldurinn. Þannig komu núna hlutfallslega mun fleiri ferðamenn frá Norður-Ameríku, en færri frá Asíu, Norðurlöndunum, Mið- og Suður-Evrópu. Þótt hlutfall Austur-Evrópubúa ykist varð lítil breyting á fjölda þeirra, en hér er líklega aðallega um að ræða fólk sem býr hér á landi frekar en ferðamenn.
Efnahagsmál
- Vísitala íbúðaverðs hækkaði um 0,7% milli mánaða í júlí, sem er minnsta hækkun sem hefur sést síðan í febrúar. Sölutími hefur samt sem áður styst verulega og bendir ýmislegt til þess að enn sé spenna á markaði þó hækkunin milli mánaða nú sé lítil.
- Seðlabankinn birti niðurstöður úr könnun á væntingum markaðsaðila. Miðað við miðgildi svara búast markaðsaðilar við að verðbólgan hjaðni á þessum ársfjórðungi og verði komin niður í 2,8% á 3. ársfjórðungi næsta árs. Markaðsaðilar eiga von á að peningastefnunefnd hækki stýrivexti um 0,25 prósentustig í ágúst og um 0,25 prósentustig í viðbót á 4. ársfjórðungi.
- Kortavelta í júlí mældist nokkuð meiri en í hefðbundnum júlímánuði fyrir Covid-faraldurinn.
Fjármálamarkaðir
- Sjóvá (fjárfestakynning), Eimskip og VÍS (fjárfestakynning) birtu hálfsársuppgjör.
- Lánasjóður sveitarfélaga lauk útboði á skuldabréfum í áður útgefnu flokkunum LSS150434 og LSS151155 og í nýjum flokki, LSB280829 GB, Landsbankinn lauk útboði á sértryggðum bréfum og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.