19. september 2022 - Greiningardeild
Vikan framundan
- Á þriðjudaginn birtir HMS vísitölu íbúðaverðs á höfuðborgarsvæðinu.
- Á miðvikudag er stýrivaxtaákvörðun hjá bandaríska seðlabankanum.
- Á fimmtudag birtir Hagstofan niðurstöður úr mánaðarlegri vinnumarkaðsrannsókn sinni. Þennan dag er einnig stýrivaxtaákvörðun hjá Englandsbanka.
- Á föstudaginn birtir Hagstofan launavísitöluna.
Mynd vikunnar
Á fyrstu sex mánuðum ársins var 84 milljarða króna halli af viðskiptum við útlönd. Þrátt fyrir þennan mikla halla hefur krónan styrkst innan árs. Skýrist þetta meðal annars af því að öllum viðskiptum fylgir ekki endilega gjaldeyrisflæði. Sérstaklega má nefna að hagnaður innlendra dótturfélaga í eigu erlendra aðila, sem kemur til lækkuná viðskiptajöfnuðu, en er að mestu leyti bókfært tap eða útreikningar þar á. Hallinn á inn- og útflutningi (án skipa og flugvéla), sem er betri mælikvarði á raunverulegt gjaldeyrisflæði, var mun lægri, eða 16 milljarðar króna.
Helsta frá vikunni sem leið
- Í síðustu viku fóru fram verðmælingar vegna vísitölu neysluverðs og við birtum verðbólguspá. Við spáum 0,34% hækkun milli mánaða og að ársverðbólgan lækki úr 9,7% í 9,6%. Við teljum að verðbólgan hafi náð hámarki í júlí og að framundan sé hæg hjöðnun hennar næstu mánuði.
- Hagdeild HMS birti mánaðarskýrslu þar sem fram kemur að merki kólnunar sáust á fasteignamarkaði í júní og í júlí. Samkvæmt HMS er hlutfall íbúða sem selst yfir ásettu verði að lækka, íbúðum á sölu er að fjölga og kaupsamningum að fækka. Allt eru þetta vísbendingar um að markaðurinn sé tekinn að róast.
- Fjármála- og efnahagsráðherra lagði fram fjárlagafrumvarp fyrir árið 2023.
- Í síðustu viku komu verðbólgutölur bæði frá Bandaríkjunum og Bretlandi. Tölurnar í Bandaríkjunum voru nokkuð hærri en greinendur áttu von á. Vísitalan hækkaði um 0,1% milli mánaða, en flestir áttu von á að hún myndi lækka milli mánaða. Í kjölfarið lækkuðu markaðir vestanhafs verulega. Verðbólgutölurnar í Bretlandi voru á hinn bóginn lægri en búist var við.
- Síðasta vikan á skuldabréfamarkaði var nokkuð erilsöm: Íslandsbanki seldi sértryggð bréf í evrum, Arion banki gaf út skuldabréf í evrum, Landsbankinn hélt útboð á sértryggðum skuldabréfum, Reitir stækkaði skuldabréfaflokk og Lánasjóður sveitarfélaga lauk skuldabréfaútboði.
Hagtölur og markaðsupplýsingar
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.