Vikubyrjun 19. nóvember
Greinendur eru almennt sammála um að veiking krónunnar síðustu mánuði eigi eftir að skila sér inn í verðbólguna. Greiningardeildir Íslandsbanka og Arion banka og Hagfræðideild Landsbankans gera allar ráð fyrir að verðbólgan fari yfir 3,5% á næstu mánuðum, en verðbólga mældist 2,8% í október.
16. nóvember 2018
Vikan framundan
- Á þriðjudag birta Eimskip 9 mánaða uppgjör.
- Á miðvikudag birtir Seðlabankinn fundargerð peningastefnunefndar vegna síðustu vaxtaákvörðunar.
- Á fimmtudag birtir Hagstofan launavísitölu fyrir október og nánari sundurliðun á ágúst vísitölunni.
Mynd vikunnar
Í seinustu viku fóru fram verðmælingar vegna nóvembermælingar vísitölu neysluverðs. Síðan Hagstofan framkvæmdi verðkönnun í október hefur verð á evru hækkað um 4,9% og verð á Bandaríkjadal hækkað um 7,1%. Það þarf ekki að koma mikið á óvart að greinendur eru almennt sammála um að þessi veiking á gengi krónunnar eigi eftir að skila sér inn í verðbólguna. Greiningardeildir Íslandsbanka og Arion banka og Hagfræðideild Landsbankans gera allar ráð fyrir að verðbólgan fari yfir 3,5% á næstu mánuðum, en verðbólga mældist 2,8% í október.
Það helsta frá vikunni sem leið
- Framkvæmdastjórn Alþjóðagjaldeyrissjóðsins lauk reglubundinni umræðu um Ísland.
- Skeljungur og Reitir birtu níu mánaða uppgjör.
- Seðlabankinn birti tölur um greiðslumiðlun.
- Vinnumálastofnun birti tölur um skráð atvinnuleysi.
- Hagstofan birti tölur um fjölda launþega í ágúst.
- Landsbankinn lauk útboði sértryggðra skuldabréfa, Arion banki lauk víxlaútboði, Íslandsbanki lauk víxlaútboði og Almenna leigufélagið lauk skuldabréfútboði
- Arion banki gaf út víkjandi skuldabréf í sænskum krónum.
- Arion banki samdi við Citigroup um ráðgjöf við fyrirhugaða sölu hlutafjár í Valitor.
Hagtölur og markaðsupplýsingar
Hagtölur 19. nóvember 2018 (PDF)
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.