19. ágúst 2024
Vikan framundan
- Á morgun birtir HMS vísitölu íbúðaverðs. Eimskip og Iceland Seafood birta uppgjör.
- Á miðvikudag er vaxtaákvörðun hjá Seðlabanka Íslands. Samhliða ákvörðuninni birtir Seðlabankinn ágústhefti Peningamála með uppfærðri þjóðhagsspá. HMS birtir vísitölu leiguverðs.
- Á fimmtudag birta Nova og Reitir uppgjör.
- Á föstudag birtir Hagstofan vöru- og þjónustujöfnuð fyrir annan ársfjórðung.
Mynd vikunnar
Markaðsaðilar búast við óbreyttum stýrivöxtum á miðvikudaginn, en að fyrsta vaxtalækkun verði síðar á þessu ári, samkvæmt miðgildi svara úr væntingakönnun Seðlabankans. Eftir því sem vextir hafa verið háir lengur, búast markaðsaðilar við því að vaxtalækkunarferli seinki. Fyrir þremur mánuðum bjuggust markaðsaðilar við fyrstu lækkuninni á þriðja ársfjórðungi og í könnuninn sem fór fram fyrir hálfu ári var gert ráð fyrir fyrstu lækkuninni á öðrum ársfjórðungi.
Það helsta frá vikunni sem leið
- Kortavelta erlendra ferðamanna hér á landi það sem af er ári er meiri en í fyrra, samkvæmt uppfærðum gögnum Seðlabankans. Helstu hagvísar í ferðaþjónustu gefa nú til kynna að ferðamönnum hafi fjölgað á milli ára og eyði auk þess meira fé hér á landi. Uppfærðu gögnin sýna einnig að kortavelta Íslendinga hefur verið þó nokkuð meiri á þessu ári en áður var talið, eða 4% meiri en á sama tíma í fyrra.
- Samkvæmt könnun á væntingum markaðsaðila sem fór fram í síðustu viku búast markaðsaðilar almennt við fyrstu vaxtalækkun á fjórða ársfjórðungi. Markaðsaðilar gera nú ráð fyrir aðeins meiri verðbólgu á yfirstandandi og næstu ársfjórðungum.
- Skráð atvinnuleysi var 3,1% í júlí sem er það sama og í júní. Atvinnuleysi lækkar jafnan á milli mánaða í júlí, þannig að óbreytt atvinnuleysi bendir í raun til lítillega minnkandi spennu á vinnumarkaði. Til samanburðar var atvinnuleysi 2,8% í júlí í fyrra.
- Við birtum bæði verðbólgu- og stýrivaxtaspá. Við spáum því að verðbólgan standi í stað í ágúst og verði áfram 6,3%, en hjaðni svo smám saman og verði 5,4% í nóvember. Við spáum óbreyttum stýrivöxtum á miðvikudaginn.
- Verðbólga mældist 2,9% í Bandaríkjunum og 2,2% í Bretlandi. Verðbólga lækkaði á milli mánaða í Bandaríkjunum, en hækkaði í Bretlandi. Hækkun ársverðbólgunnar í Bretlandi var viðbúin. Báðar mælingar voru aðeins undir væntingum sem eykur líkurnar á vaxtalækkun í báðum löndunum í september.
- Alvotech, Amaroq, Eik, Kvika, SKEL og Landsvirkjun birtu uppgjör.
- Arion banki hélt útboð á sértryggðum skuldabréfum ásamt skiptiútboði, Lánamál ríkisins tilkynntu um niðurstöður viðbótarútgáfu, Reykjavíkurborg hætti við fyrirhugað skuldabréfaútboð og Kaldalón birtu umgjörð um græna fjármögnun.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.