17. janúar 2022 - Greiningardeild
Vikan framundan
- Á föstudag birtir Þjóðskrá vísitölu íbúðaverðs og vísitölu leiguverðs á höfuðborgarsvæðinu.
- Á þriðjudag birtast verðbólgutölur fyrir Bretland og Þýskaland.
Mynd vikunnar
Verðbólga í Bandaríkjunum mældist rúmlega 7% í desember. Þetta er í fyrsta sinn síðan í febrúar 1982 sem verðbólga mælist yfir 7% þarlendis, en hún fór hæst í 14,8% í mars 1980. Á sínum tíma hækkaði seðlabanki Bandaríkjanna stýrivexti yfir 20% til að slá á verðbólguna og var sú hækkun hluti ástæðunnar fyrir kreppunni þar í landi 1980-1983. Verðbólgan hér á landi hélst yfir 10% allan níunda áratuginn og fór hæst í yfir 100% í ágúst 1983. Seðlabanki Ísland tók upp verðbólgumarkmið árið 2000 og hefur verðbólgan að mestu verið undir 10% síðan þá.
Efnahagsmál
- Í síðustu viku fóru fram verðmælingar vegna janúarmælingar vísitölu neysluverðs, en Hagstofan birtir hana föstudaginn 28. janúar. Við spáum því að vísitalan lækki um 0,2% milli mánaða og að verðbólgan lækki úr 5,1% í 5,0%.
- Seðlabankinn birti fundargerð fjármálastöðuleikanefndar 6. - 7. desember 2021 og þrjár fréttir sem tengjast viðskiptum við mótaðila bankans.
- Skráð atvinnuleysi var 4,9% í desember, þriðja mánuðinn í röð. Atvinnuleysi náði hámarki í janúar 2021 þegar það var 11,6% og hefur því lækkað um 6,7 prósentustig síðan. Sem fyrr var atvinnuleysið hæst á Suðurnesjum þar sem það var 9,3%.
- Þrátt fyrir ómíkron virðist jólavertíðin hafa verið nokkuð góð. Velta innlendra greiðslukorta jókst um 14% milli ára að raunvirði í desember, en þar af jókst velta í verslun innanlands um 6% og velta erlendis um 90%.
- Um 690 þúsund erlendir ferðamenn fóru um Leifsstöð á síðasta ári samanborið við 480 þúsund 2020. Fjölmennasti hópurinn voru Bandaríkjamenn (33%), síðan Þjóðverjar (9%), Bretar (8%) og þá Pólverjar (8%).
- Samkvæmt bráðabirgðatölum voru gistinætur á hótelum 198 þúsund í desember, sem er um þriðjung færri en í desember 2019. Þar af voru gistinætur útlendinga 157 þúsund og gistinætur Íslendinga 41 þúsund.
- Fiskaflinn á síðasta ári var rúmlega 1.160 þúsund tonn og jókst um 13% milli ára. Aukningin er fyrst og fremst vegna loðnuveiða, en loðnuaflinn í fyrra var 147 þúsund tonn.
Fjármálamarkaðir
- Hagar birtu uppgjör fyrir 3F 2021/22 (fjárfestakynning).
- Reitir, Íslandsbanki og Origo birtu afkomuviðvörun.
- Landsbankinn lauk útboði sértryggðra skuldabréfa, Arion banki lauk útboði á grænum skuldabréfum og Brim lauk sölu á grænum og bláum skuldabréfum.
- Landsbankinn gaf út skuldabréf í norskum og sænskum krónum til þriggja ára og skuldabréf í sænskum krónum til tveggja ára.
- Lánamál ríkisins birtu Markaðsupplýsingar.
Hagtölur og markaðsupplýsingar
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.