Vikubyrjun 15. febrúar 2021
Frá aldamótum hefur að jafnaði verið hafin bygging á fleiri íbúðum á hverja 100.000 íbúa hér á landi en á hinum Norðurlöndunum. Hér hefur verið hafin bygging á tæplega 670 íbúðum að meðaltali á hverja 100.000 íbúa á ári frá aldamótum, meðan fjöldinn er á bilinu 350-580 í Svíþjóð, Danmörku og Noregi.
15. febrúar 2021 - Greiningardeild
Vikan framundan
- Á mánudaginn birta Reitir uppgjör.
- Á þriðjudag birtir Þjóðskrá vísitölu íbúðaverðs og Seðlabankinn birtir kortaveltutölur fyrir janúar.
- Á miðvikudag verður fundargerð peningastefnunefndar vegna síðustu vaxtaákvörðunar gerð opinber. Vísitala leiguverðs kemur frá Þjóðskrá og Kvika og TM birta uppgjör.
- Á fimmtudag birtir Síminn uppgjör.
Mynd vikunnar
Frá aldamótum hefur að jafnaði verið hafin bygging á fleiri íbúðum á hverja 100.000 íbúa hér á landi en á hinum Norðurlöndunum. Hér hefur verið hafin bygging á tæplega 670 íbúðum að meðaltali á hverja 100.000 íbúa á ári frá aldamótum, meðan fjöldinn er á bilinu 350-580 í Svíþjóð, Danmörku og Noregi.
Athygli vekur að þó uppbyggingin sé að jafnaði meiri hér en annars staðar, eru sveiflurnar það einnig. Á árunum 2005-2008 var hafin bygging á um 1.300 íbúðum á hverja 100.000 íbúa á ári og fór svo niður í 45 þegar minnst var árið 2011. Síðan þá hefur fjöldi nýrra íbúða farið sífellt vaxandi og höfum við frá 2017 verið í farabroddi hvað uppbyggingu varðar.
Það helsta sem gerðist í liðinni viku
- Landsbankinn spáir 3,9% verðbólgu í febrúar.
- Meiri sveiflur einkenna íbúðamarkaðinn hér á landi en hjá nágrannaþjóðunum.
- Í Evrópu fækkaði gistinóttum á síðasta ári einna mest hér á landi.
- Verðhækkun á fasteignum var í fyrra var mismikil eftir hverfum.
- Icelandair, Eik, Reginn, Sjóvá, Arion banki, Íslandsbanki og Landsbankinn birtu ársuppgjör í vikunni.
- Icelandair seldi fjórðung hlutafjár í Icelandair Hotels fyrir um 440 m.kr. og hefur þá losað um eignarhald sitt á félaginu að fullu.
- Atvinnuleysi mældist 12,8% í janúar.
- Íslandsbanki gaf út sértryggt skuldabréf með gjalddaga 2027.
- Hagstofan áætlar að gistinætur á hótelum hafi dregist saman um 93% í janúar.
- Um 38% fyrirtækja voru með netsölu í fyrra.
- Brottfarir erlendra farþega voru 4.300 í janúar.
- Húsnæðislán jukust um tæpa 200 ma.kr. í fyrra.
Hagtölur og markaðsupplýsingar
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.