13. mars 2023
Vikan framundan
- Í dag birtir RSV kortaveltutölur fyrir febrúar.
- Á miðvikudag birtir Seðlabankinn yfirlýsingu fjármálastöðugleikanefndar og fyrri fjármálastöðugleikaskýrslu ársins.
- Á fimmtudag birtir Hagstofan tekjuskiptingaruppgjör heimilanna og Seðlabankinn birtir greiðslukortaveltu.
- Í vikunni fara fram verðmælingar vegna vísitölu neysluverðs í mars.
Mynd vikunnar
Mannfjöldi hér á landi var 388 þúsund 1. janúar 2023. Landsmönnum fjölgaði um 11.500 í fyrra, sem samsvarar 3,1% fólksfjölgun, sé horft til breytinga milli 1. janúar hvers árs. Þetta er mesta fólksfjölgun frá upphafi talningar, hvort sem horft er til aukningar á fjölda eða hlutfallslegrar aukningar. Metið var síðast slegið árið 2017 þegar íbúum fjölgaði um 10.100, sem samsvarar 3,0% fjölgun. Fjölgunin í fyrra skýrðist fyrst og fremst af aðflutningi erlendra ríkisborgara, en íslenskum ríkisborgurum fjölgaði um 1.500 á meðan erlendum ríkisborgurum fjölgaði um 10.300 milli ársloka 2021 og 2022.
Helsta frá vikunni sem leið
- Brottfarir erlendra ferðamanna í febrúar voru 137 þúsund. Þetta er mjög svipaður fjöldi og í febrúar 2020, þ.e. síðasta mánuðinn áður en heimsfaraldurinn skall á. Ferðamenn eru enn þó nokkuð færri en á metárinu 2018 þegar 160 þúsund erlendir ferðamenn fóru frá landinu í febrúar. Brottfarir Íslendinga voru 39 þúsund. Icelandair og Play birtu flutningstölur fyrir febrúar.
- Skráð atvinnuleysi var 3,7% í febrúar og hélst óbreytt milli mánaða. Atvinnuleysi er alla jafna mest í janúar og febrúar og má því búast við að það lækki lítillega á næstu mánuðum. Skráð atvinnuleysi hefur haldist nokkuð stöðugt á bilinu 3,3% til 3,7% síðan í júní í fyrra.
- Landsbankinn seldi sértryggð skuldabréf í evrum. Seld voru bréf að fjárhæð 300 m. evra til fimm ára og bera þau 4,25% fasta vexti. Arion banki gaf út skuldabréf í sænskum krónum að fjárhæð 300 milljónir sænskra króna og bera þau breytilega vexti sem nema 300 punkta álagi á þriggja mánaða millibankavexti í sænskum krónum.
- Síldarvinnslan birti ársuppgjör.
- Lánamál ríkisins birtu mánaðarlega rit sitt, Markaðsupplýsingar.
Hagtölur og markaðsupplýsingar
Þú gætir einnig haft áhuga á
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.
9. des. 2024
Í vikunni fáum við tölur um fjölda ferðamanna sem komu hingað til lands í nóvember og skráð atvinnuleysi í október. Í síðustu viku birti Seðlabankinn tölur um viðskiptajöfnuð við útlönd á þriðja ársfjórðungi þar sem í ljós kom að minni afgangur var en á sama tíma í fyrra. Seðlabankinn birti einnig fundargerð peningastefnunefndar sem sýnir að allir nefndarmenn voru sammála um að lækka vexti um 0,5 prósentustig í síðasta mánuði.
5. des. 2024
Afgangur mældist á viðskiptum við útlönd á þriðja ársfjórðungi. Það var halli á vöruskiptum, frumþáttatekjum og rekstrarframlögum, sem afgangur á þjónustuviðskiptum náði þó að vega upp, enda háannatími ferðaþjónustu. Það sem af er ári mælist samt það mikill halli að nær öruggt er að það mælist halli á árinu í heild.
3. des. 2024
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. des. 2024
Í síðustu viku bárust upplýsingar um að verðbólga hefði lækkaði úr 5,1% niður í 4,5% í nóvember og að landsframleiðslan hefði dregist saman um 0,5% að raunvirði á milli ára á þriðja ársfjórðungi. Í vikunni birtir Seðlabankinn tölur um viðskiptajöfnuð við útlönd, fundargerð peningastefnunefndar og yfirlýsingu fjármálastöðugleikanefndar.
29. nóv. 2024
Hagkerfið dróst saman á milli ára á þriðja ársfjórðungi, samkvæmt nýbirtum þjóðhagsreikningum Hagstofunnar. Verri afkoma þjónustuviðskipta við útlönd skýrir að stórum hluta samdráttinn á fjórðungnum. Innlend eftirspurn jókst um 0,8% milli ára og samneysla og aukin fjármunamyndun vógu þyngst til hækkunar.