Mesta fækkun gistinátta á suðvesturhorninu á síðasta ári
Efnahagsleg áhrif farsóttarinnar hafa komið þyngst niður á ferðaþjónustu í heiminum. Gistinætur hér á landi voru 2,9 milljónir á síðasta ári og fækkaði um 65% frá fyrra ári. Það sem dró úr högginu var að gistinóttum Íslendinga fjölgaði um rúman fjórðung milli ára. Hlutfall gistinátta Íslendinga var 47% og hefur það ekki áður mælst hærra en næst hæsta hlutfallið var árið 1999, þegar það var rúmur þriðjungur.
29. janúar 2021 - Greiningardeild
Gistinætur á heilsárshótelum námu 1,3 milljónum borið saman við 4,2 milljónir árið áður og dróst fjöldi þeirra saman um 68,2% milli ára. Gistinóttum erlendra ferðamanna fækkaði um 76% en gistinóttum Íslendinga fjölgaði um 5,8%. Árið var mjög kaflaskipt hvað þróunina varðar. Áhrifa farsóttarinnar gætti eiginlega ekki fyrr en í mars en þau komu síðan fram af fullum þunga í apríl og í þeim mánuðum sem eftir lifðu árs. Fækkun erlendra ferðamanna var 22% á fyrsta fjórðungi en lá síðan á bilinu 86-98% á síðustu þremur fjórðungum ársins. Minnsti samdrátturinn var á þriðja fjórðungi en nokkuð var um að erlendir ferðamenn kæmu hingað yfir sumarið. Gistináttafjöldi Íslendinga breyttist lítið á öðrum fjórðungi en síðan varð mikil fjölgun á þriðja fjórðungi, eða um 136%. Síðan varð töluvert mikil fækkun á fjórða fjórðungi, eða 47%.
Lesa Hagsjána í heild
Hagsjá: Mesta fækkun gistinátta á suðvesturhorninu á síðasta ári
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.