Áfram mikil batamerki á vinnumarkaði
![Háþrýstiþvottur](https://images.prismic.io/landsbankinn/89b3e11c-faf2-4db6-b2f0-703c6b75b49a_Hathrystithvottur-1920.jpg?fit=max&w=3840&rect=0,100,1920,1080&q=50)
Samkvæmt vinnumarkaðsrannsókn Hagstofu Íslands er áætlað að um 207.900 manns hafi verið á vinnumarkaði í september 2021, sem jafngildir 78,2% atvinnuþátttöku. Af þeim voru um 202.000 starfandi og um 5.900 atvinnulausir og í atvinnuleit, eða um 2,8% af vinnuaflinu. Starfandi fólki fjölgaði um 3.900 milli ára. Atvinnulausum fækkaði um 3.000 frá september í fyrra. Hlutfall starfandi var 75,9% í september og hækkaði um 2,2 prósentustig frá september 2020. Allt eru þetta skýr merki um sterkari vinnumarkað.
Í fyrra fór atvinnuþátttaka lægst niður í 73,4% í apríl og hafði ekki verið lægri áður í sögu vinnumarkaðskönnunarinnar. Atvinnuþátttaka hefur farið stöðugt vaxandi á þessu ári og var 78,2% nú í september sem er 1,1 prósentustigi meira en í september í fyrra. Sé miðað við 12 mánaða hlaupandi meðaltal var atvinnuþátttaka mest um mitt ár 2017, en þá fór hún upp í 82%. Samsvarandi tala nú er 78,2% og hefur atvinnuþátttaka aukist nokkuð síðustu mánuði á þann mælikvarða.
Atvinnuleysi, samkvæmt mælingum Hagstofunnar, var 2,8% í september sem er 1,6 prósentustigum lægra en á sama tíma í fyrra. Almennt atvinnuleysi skráð hjá Vinnumálastofnun var hins vegar 5% í september og hafði minnkað um 4 prósentustig milli ára.
Starfandi fólki á 3. ársfjórðungi fjölgaði um 4,3% miðað við sama tíma í fyrra. Vinnutími styttist um 0,8% á sama tíma þannig að heildarvinnustundum fjölgaði um 3,5% milli ára. Þetta er annar ársfjórðungurinn síðustu 2 ár sem við sjáum fjölgun heildarvinnustunda, en þeim var tekið að fækka nokkru áður en faraldurinn brast á.
Atvinnuleysi jókst meira á Íslandi en á hinum Norðurlöndunum á tíma faraldursins samkvæmt tölum Alþjóðagjaldeyrissjóðsins (IMF). Samkvæmt spá sjóðsins, sem reyndar er áþekk spá Hagfræðideildar Landsbankans fyrir Ísland, mun atvinnuleysi hér á landi minnka meira og hraðar en í hinum löndunum. Atvinnuleysi var álíka mikið í Noregi og á Íslandi á árinu 2019 og verður aftur svipað á árinu 2023 gangi spá IMF eftir. Breytingarnar á milli þessara tveggja tímapunkta hafa hins vegar verið mun meiri á Íslandi.
Lesa Hagsjána í heild
![Evrópsk verslunargata](https://images.prismic.io/landsbankinn/e83ba1d5-c520-4007-8926-cb75f4fd86b8_iStock-1388039756-Holland-verslunargata.jpg?fit=max&w=3840&&q=50)
![Hús í Reykjavík](https://images.prismic.io/landsbankinn/5024e55f-16d3-43f9-b606-ab01dbe5921f_hus-reykjavik-1920.jpg?fit=max&w=3840&&q=50)
![Gönguleið](https://images.prismic.io/landsbankinn/33cdc5f2-10ba-4d29-a88e-3db117f83c02_Gullfoss-gonguleid.jpg?fit=max&w=3840&&q=50)
![Fataverslun](https://images.prismic.io/landsbankinn/1da63ef3-f754-4e33-85b0-ae3d774b3971_Fataverslun.jpg?fit=max&w=3840&&q=50)
![](https://images.prismic.io/landsbankinn/a923b976-0b6c-45a6-b7b7-b7efbe46320a_Landsbankinn_Irma_Abstrakt_016.jpg?fit=max&w=3840&rect=397,396,745,559&q=50)
![](https://images.prismic.io/landsbankinn/028a0757-28f9-4183-b615-499104716808_Landsbankinn_Irma_Abstrakt_018.jpg?fit=max&w=3840&rect=0,140,1168,876&q=50)
![Litríkir bolir á fataslá](https://images.prismic.io/landsbankinn/0715ffd5-f0a2-446e-bbf1-561d88cd1730_Fataverslun-bolir-varasamt-kortagengi.jpg?fit=max&w=3840&rect=240,0,1440,1080&q=50)
![Flugvél á flugvelli](https://images.prismic.io/landsbankinn/c68d10e5-e50c-4447-8778-bd06a35cab8f_Jet-Brussels-iStock-1161966623.jpg?fit=max&w=3840&rect=1119,770,2455,1841&q=50)
![](https://images.prismic.io/landsbankinn/2fffc01a-44b7-44ee-bdc1-b8bd2c29c1ea_5.jpg?fit=max&w=3840&rect=55,0,1708,1281&q=50)
![Bílar](https://images.prismic.io/landsbankinn/135415c5-fb94-4d8d-8130-b0c165cf7c82_LB_Brimborg_Festi_V4A9178_1920.jpg?fit=max&w=3840&rect=94,295,1305,979&q=50)