Afgangur af vöru- og þjónustuviðskiptum á fjórða ársfjórðungi
Útflutningur vöru og þjónustu nam 276,9 mö.kr. á fjórða ársfjórðungi borið saman við um 335,8 ma.kr. á sama tímabili árið áður. Hann dróst því saman um 59 ma.kr., eða 18% milli ára. Innflutningur vöru og þjónustu nam 265,9 mö.kr. á fjórða fjórðungi borið saman við 291,4 ma.kr. á sama tímabili árið áður. Hann dróst því saman um 25,4 ma.kr., eða 9%. Afgangur af vöru- og þjónustuviðskiptum nam 10,9 mö.kr. á fjórða ársfjórðungi og dróst saman um 33,5 ma.kr., eða 75%.
2. mars 2021 - Greiningardeild
Þetta var eini fjórðungurinn á síðasta ári þar sem afgangur mældist af vöru- og þjónustuviðskiptum en hallinn á vöru- og þjónustuviðskiptum lá á bilinu 1-17 ma.kr. á fyrstu þremur fjórðungum ársins. Útflutningur þjónustu nam 103,3 mö.kr. á fjórða ársfjórðungi og dróst saman um 70 ma.kr. milli ára, eða 40,4%. Vöruútflutningur nam 173,6 mö.kr. og jókst hann um 10,9 ma.kr., eða 6,7%. Innflutningur þjónustu nam 76,9 mö.kr. og dróst saman um 34,7 ma.kr., eða tæplega þriðjung. Vöruinnflutningur nam 189,1 ma.kr. og jókst hann um 9,3 ma.kr., eða 5,2%.
Lesa Hagsjána í heild
Hagsjá: Afgangur af vöru- og þjónustuviðskiptum á fjórða ársfjórðungi
Þú gætir einnig haft áhuga á
13. jan. 2025
Atvinnuleysi var að meðaltali 3,5% árið 2024, líkt og við spáðum í október. Komur erlendra ferðamanna til Íslands á árinu voru lítillega fleiri en við bjuggumst við, eða tæplega 2,3 milljónir, og desembermánuður var sá fjölmennasti frá upphafi. Í síðustu viku gáfum við út verðbólguspá og gerum ráð fyrir að verðbólga hjaðni úr 4,8% í 4,6% í janúar.
9. jan. 2025
Við spáum því að vísitala neysluverðs lækki um 0,32% á milli mánaða í janúar og að verðbólga hjaðni úr 4,8% í 4,6%. Við búumst við áframhaldandi hjöðnun næstu mánuði og að ársverðbólga verði komin niður í 3,7% í apríl.
6. jan. 2025
Í vikunni birtir Vinnumálastofnun skráð atvinnuleysi í desember og birtar verða tölur um atvinnuleysi í Bandaríkjunum. Einnig fara fram verðmælingar vegna vísitölu neysluverðs, en Hagstofan birtir mælinguna fimmtudaginn 30. janúar.
2. jan. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
19. des. 2024
Vísitala neysluverðs hækkaði um 0,39% á milli mánaða í desember, samkvæmt nýbirtum tölum Hagstofu Íslands. Ársverðbólga stendur því í stað í 4,8%. Við eigum enn von á að verðbólga hjaðni næstu mánuði og verði komin niður í 3,9% í mars.
17. des. 2024
Kortavelta landsmanna færist enn í aukana þrátt fyrir hátt vaxtastig. Innlán heimila hafa vaxið og yfirdráttur ekki aukist. Erlendir ferðamenn hér á landi eyða líka þó nokkuð fleiri krónum en á sama tíma í fyrra.
16. des. 2024
Seðlabankinn hóf vaxtalækkunarferlið í október með 25 punkta lækkun og fylgdi því eftir með 50 punkta lækkun í nóvember. Þetta gerði bankinn rétt fyrir mestu neyslutíð ársins, með öllum sínum tilboðsdögum og jólainnkaupum.
16. des. 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
12. des. 2024
Um 162.000 ferðamenn komu til landsins í nóvember, samkvæmt talningu ferðamálastofu. Ferðamenn voru 9,3% fleiri en á sama tíma í fyrra og hafa aldrei verið fleiri í nóvembermánuði. Gagnavandamál voru áberandi í ár og tölur um fjölda ferðamanna, erlenda kortaveltu og gistinætur útlendinga hafa allar verið endurskoðaðar á árinu.
9. des. 2024
Við spáum því að vísitala neysluverðs hækki um 0,35% á milli mánaða í desember og að verðbólga hjaðni úr 4,8% í 4,7%. Flugfargjöld til útlanda og húsnæðisliðurinn hafa mest áhrif til hækkunar í mánuðinum. Við eigum von á áframhaldandi hjöðnun næstu mánuði og að ársverðbólga verði komin niður í 3,9% í mars á næsta ári.