Breytingar á lögum lögum um lífeyrissjóði og öðrum tengdum lagabálkum sem kunna að hafa áhrif á sjóðfélaga Lífeyrissjóðs Tannlæknafélags Íslands taka gildi um næstu áramót. Hér er yfirlit yfir helstu breytingar:
Skerðingar á greiðslum frá Tryggingastofnun (TR)
Frá og með næstu áramótum verður séreign sem stafar af lágmarksiðgjaldi (nú 15,5% en áður 12%) ekki lengur undanþegin skerðingum almannatrygginga. Framvegis mun því öll séreign sem hefur myndast af lágmarksiðgjaldi í lífeyrissjóð skerða greiðslur TR. Breytingin tekur gildi frá og með 1. janúar 2023. Engar skerðingar verða hjá þeim hópi sem eru þegar eru komnir á lífeyri frá TR eða hefja töku lífeyris frá TR fyrir næstu áramót.
Rétt er að taka fram að úttekt viðbótarlífeyrissparnaðar (eða séreignalífeyrissparnaðar, þar sem hlutur sjóðfélaga er allt að 4% og hlutur launagreiðanda 2%) mun sem fyrr ekki hafa áhrif á greiðslur frá TR.
Lágmarksiðgjald hækkar
Lágmarksiðgjald í lífeyrissjóð hækkar úr 12% í 15,5%. Aðilar sem áður greiddu 12% í lífeyrissjóð þurfa að greiða 15,5% frá og með næstu áramótum. Samkvæmt flestum kjarasamningum er framlag launþega 4% en laungreiðanda 11,5%. Breytingin nær því fyrst og fremst til sjálfstæðra atvinnurekenda og annarra sem taka ekki laun samkvæmt kjarasamningum.
Tilgreind séreign lögfest
Frá og með næstu áramótum verður svokölluð Tilgreind séreign lögfest. Á undanförnum árum hefur lífeyrissjóðum verið heimilt eru ráðstafa allt að 3,5% af launum til svokallaðar tilgreindrar séreignar. Hjá Lífeyrissjóði Tannlæknafélags Íslands rennur iðgjald sjóðfélaga sjálfkrafa í Frjálsa séreign og er því ekki tilgreind sérstaklega á yfirliti.
Nánari upplýsingar
Hafi sjóðfélagi lífeyrissjóðsins þegar hafið töku lífeyris frá TR þarf hann ekki að bregðast við framangreindum breytingum. Sjóðfélagar sem eru 60 ára eða eldri og eiga frjálsa séreign af skylduiðgjaldi eða bundna séreign eru hvattir til að kynna sér lagabreytingarnar og áhrif þeirra.
Nánari upplýsingar á vef Tryggingastofnunar
Nánari upplýsingar um lífeyrisparnað er að finna á vef Landsbankans og hjá Verðbréfa- og lífeyrisþjónustu Landsbankans í síma 410 40 40 eða í netfanginu vl@landsbankinn.is.
