Já, ef þú ert á aldrinum 16-70 ára þá er þér skylt að greiða hluta af launum þínum í skyldulífeyrissparnað.

Samkvæmt lögum er skylt að greiða að lágmarki 15,5% af heildar launum fyrir skatt þar sem þú greiðir 4% og launagreiðandi 11,5%.

Já, allir geta greitt í sjóðinn nema þeim sem er skylt samkvæmt kjarasamningum að velja ákveðinn lífeyrissjóð.

Ef þú ert með rafræn skilríki þá er einfalt að ganga frá samningi í gegnum appið okkar eða á l.is.

Þú getur breytt um greiðsluleið fyrir framtíðargreiðslur í appinu okkar eða á l.is

Það sem þú hefur þegar greitt í sjóðinn helst í þeirri greiðsluleið sem greitt var í.

Þegar þú byrjar í nýrri vinnu þá færist skyldulífeyrissparnaðurinn ekki sjálfkrafa á milli. Í appinu okkar eða á l.is geturðu breytt um launagreiðanda og haldið áfram að greiða skyldulífeyrissparnaðinn til Íslenska lífeyrissjóðsins.

Ef þig vantar aðstoð sem launagreiðandi, þá getur þú haft beint samband við fyrirtækjaþjónustu lífeyrismála í síma 410-7910 eða í gegnum netfangið lifskil@landsbankinn.is.

Upplýsingar fyrir launagreiðendur

Já, erlendum ríkisborgurum ber að greiða að lágmarki 15,5% í skyldulífeyrissparnað. Undantekning frá þessu er þegar erlendur ríkisborgari af EES-svæðinu starfar tímabundið á Íslandi fyrir erlent fyrirtæki, en þá ber honum ekki að greiða iðgjald til lífeyrissjóðs samkvæmt íslenskum lögum, enda hafi viðkomandi E-101 vottorð frá heimalandi sínu.

Nei, það er nóg að sækja um útgreiðslu úr þeim lífeyrissjóði sem þú greiddir síðast í og sá sjóður hefur samband við aðra lífeyrissjóði fyrir þína hönd.

Þeir launþegar sem greiða 15,5% heildariðgjald í  hefðbundna samtryggingarsjóði mega ráðstafa 3,5% af iðgjaldinu í tilgreinda séreign. Ef sjóðfélagi velur ekki að greiða í tilgreinda séreign rennur iðgjaldið í samtryggingu viðkomandi sjóðs. Tilgreind séreign er almennt greidd út á aldursbilinu 62-67 ára.

Hjá þeim sem greiða skyldulífeyrissparnað til Íslenska lífeyrissjóðsins og greiða 15,5% í heildariðgjald, rennur hærra hlutfall en 3,5% í frjálsa séreign sem er laus til útgreiðslu frá 60 ára aldri.