Fréttir
Landsbankinn semur við Vörð um kreditkortatryggingar
Landsbankinn hefur gert samning við Vörð um kortatryggingar fyrir korthafa Landsbankans og tók samningurinn gildi 1. maí 2019. Samningurinn er gerður til fimm ára og í kjölfar útboðs bankans.
2. maí 2019 - Landsbankinn
Tryggingavernd kreditkorta bankans verður sambærileg og áður svo þessar breytingar munu ekki hafa áhrif á kjör korthafa. Viðskiptavinir Landsbankans geta beint fyrirspurnum vegna tjóna eða spurninga er varða kortatryggingar til Varðar í síma 514 1000. Ef alvarlegt slys eða veikindi verða erlendis skal hafa samband við neyðarþjónustu SOS International í síma +(45) 70 10 50 50, þar sem er vakt allan sólarhringinn. VÍS, sem annast hefur kortatryggingar bankans síðastliðin 3 ár, mun sinna fyrirspurnum vegna tjóna sem áttu sér stað fyrir 1. maí 2019.
Nánar um kortatryggingar Landsbankans
Steinunn Hlíf Sigurðardóttir – framkvæmdarstjóri ráðgjafar og þjónustu hjá Verði, Helgi Teitur Helgason, framkvæmdastjóri einstaklingssviðs hjá Landsbankanum, Lilja Björk Einarsdóttir, bankastjóri Landsbankans, Ólafur Ingimarsson - teymisstjóri atvinnutrygginga hjá Verði, og Guðmundur Jóhann Jónsson - forstjóri Varðar.Þú gætir einnig haft áhuga á
18. okt. 2024
Vegna viðhalds verður ekki hægt að framkvæma greiðslumat í Landsbankaappinu og netbankanum frá klukkan 17 föstudaginn 18. október til klukkan 10 laugardaginn 19. október.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%.
4. okt. 2024
Landsbankinn breytir vöxtum inn- og útlána og tekur ný vaxtatafla gildi miðvikudaginn 9. október 2024. Helstu breytingar eru eftirfarandi:
30. sept. 2024
Landsbankinn lauk í dag sölu á grænum skuldabréfum til fimm ára að fjárhæð 300 milljónir evra. Um er að ræða fimmtu grænu skuldabréfaútgáfu bankans í evrum. Skuldabréfin bera 3,75% fasta vexti og voru seld á kjörum sem jafngilda 155 punkta álagi á miðgildi vaxtatilboða í vaxtaskiptasamningum á markaði.
26. sept. 2024
Landsbankinn býður til Fjármálamóts, fræðslufundar um lífeyrismál og netöryggi, miðvikudaginn 2. október kl. 16 í Landsbankanum við Reykjastræti.
25. sept. 2024
Fjármálaeftirlit Seðlabanka Íslands hefur birt mat sitt um að Landsbankinn sé hæfur til að fara með virkan eignarhlut í TM tryggingum hf.
25. sept. 2024
Við boðum til morgunfundar í tilefni af útgáfu nýrrar hagspár Landsbankans í Hörpu þriðjudaginn 15. október.
23. sept. 2024
Landsbankinn breytir í dag vöxtum á inn- og útlánum. Jafnframt taka gildi breytingar á framboði verðtryggðra íbúðalána.
20. sept. 2024
Þeir Kacper Skóra og Guilherma Baía Roque hlutu styrki úr Hvatasjóði Háskólans í Reykjavík og Landsbankans 2024.
18. sept. 2024
Landsbankinn hefur fengið upplýsingar um að undanfarna daga hafi svikarar hringt í fólk hér á landi og haft af þeim fé með ýmis konar blekkingum.