Símatalasvikin halda áfram – ekki falla í gildruna
Síðustu vikur og mánuði hefur verið mikið um að fólk falli fyrir símatalasvikum sem oftast snúast um rafmyntir sem ýmist eru boðnar til sölu eða fólki er talin trú um að það eigi rafmyntir inni á reikningi. Fjárhagslegt tjón í þessum svikum hefur verið mikið og eftir sitja einstaklingar í sárum.
20. desember 2024
Þessi símtöl líta út fyrir að koma úr íslenskum símanúmerum en raunverulegur eigandi þeirra veit ekki af því að verið er að nota þau í sviksamlegum tilgangi. Svikararnir hafa hingað til, eftir því sem við vitum, verið enskumælandi. Þeir ávarpa viðmælandann með nafni og reyna hvað þeir geta til að byggja upp traust.
Svona aðferðir nota svikararnir m.a.:
- Þeir segja að komið hafi í ljós að þú eigir inneign í rafmynt sem þú hafir keypt fyrir nokkrum árum. Tilgangurinn með símtalinu sé að koma inneigninni til þín ásamt ávöxtun.
- Þér er sagt að þú hafir unnið í rafmyntarlottói (bitcoinlottó).
- Þér bjóðist hagstæð fjárfestingatækifæri í rafmynt og fáir skjótan gróða.
- Þú getir fengið greitt fyrir að aðstoða aðra einstaklinga við að fjárfesta í rafmynt.
- Svikararnir reyna að fá þig til að hlaða niður yfirtökuforritum á tölvu eða síma á borð við Any Desk, Teamviewer, Iperius Remot eða Screenleap. Þeir segja að með þessu móti geti þeir aðstoðað þig við að klára færslurnar.
- Þessi forrit gefa svikurum fullan aðgang að tækinu sem þeir geta nýtt til að skrá sig inn í app eða netbanka fjármálafyrirtækis og stela fjármunum. Einnig eru einstaklingar látnir hlaða niður rafmyntarveskjum og sem eru sögð tengjast þessum ímynduðu viðskiptum.
Hvað ber að varast:
- Aldrei hlaða niður yfirtökuforritum/öppum á síma eða tölvu að beiðni einhvers sem þú þekkir ekki persónulega og ert alveg viss um að þú getir treyst.
- Aldrei samþykkja auðkenningar í rafrænum skilríkjum sem þú ert ekki að gera sjálf/-ur.
- Aldrei samþykkja auðkenningar í rafrænum skilríkjum án þess að lesa hvað það er sem þú ert að samþykkja.
Ef þú áttar þig á, jafnvel í miðju símtali að þú ert að ræða við svikara, skelltu þá strax á! Hafir þú orðið fyrir svikum skaltu strax hafa samband við viðskiptabankann þinn til að leita aðstoðar.
Hafðu samband ef þú lendir í svikum
Þú getur haft samband við Landsbankann í síma 410 4000 eða með því að senda tölvupóst í svikavakt@landsbankinn.is. Starfsfólk Landsbankans er á vaktinni frá kl. 9 til 23 alla daga vikunnar og aðstoðar við að leysa úr svikamálum. Í Landsbankaappinu og á l.is getur þú framkvæmt neyðarlokun sem lokar aðgangi að appi og netbönkum.
Þú gætir einnig haft áhuga á
2. des. 2024
Hvað eru bestu og sterkustu lykilorðin? Best og sterkast er ekki alveg það sama, því góð lykilorð þurfa bæði að vera eftirminnileg OG sterk vörn gegn netárásum. Svarið gæti því komið þér á óvart!
11. nóv. 2024
Verslun á netinu er ekki hættulaus, tölvuþrjótar leggja mikið á sig til að stela greiðsluupplýsingum eða svíkja fé út úr fólki með öðrum hætti. Hér fyrir neðan eru nokkur einföld ráð til að minnka hættuna á netsvikum.
30. okt. 2023
Netsvik hafa aukist verulega. Við höfum tekið saman aðgengilegar upplýsingar um hvernig hægt er að þekkja netsvik og verjast þeim.
31. ágúst 2023
Ertu örugglega að nota rafrænu skilríkin til að staðfesta eitthvað sem þú vilt í raun og veru gera? Eða eru svikarar kannski að plata þig til að nota rafrænu skilríkin til að hleypa sér inn í bankaappið þitt?
3. ágúst 2023
Netsvikum og tilraunum til netsvika hefur fjölgað mikið í sumar. Ekki aðeins eru málin fleiri heldur eru fórnarlömbin líka yngri en áður. Möguleg skýring á aukningunni er sú að nú er meira um að svikin séu reynd utan opnunartíma fyrirtækja, þ.e. um kvöld og um helgar og þegar líklegt er að fólk sé í sumarfríi og því síður á varðbergi.
28. júlí 2023
Ef þig grunar að þú hafir lent í klóm svikara, sérð óeðlilegar færslur á reikningum eða greiðslukortum eða óviðkomandi hefur komist inn í netbankann þinn, er mikilvægt að hafa samband við bankann eins fljótt og hægt er.
13. jan. 2023
Við viljum vara viðskiptavini okkar við netsvikum, sérstaklega svikum sem fara fram í gegnum samfélagsmiðla og skilaboðaforrit, en mikið hefur borið á þeim undanfarið.
8. júlí 2022
Tilraunum til hvers kyns netsvika hefur fjölgað mikið og reynslan sýnir að þeim fjölgar á sumrin. Ástæðan er talin vera sú að netsvikarar vonast eftir því að þá sé fólk sé kærulausara og sé líklegra til að taka þátt í fölskum Facebook-leik, smella á hlekk í hugsunarleysi eða skoða ný „fjárfestingartækifæri“.
12. maí 2022
Notkun á tölvum og símum er stór hluti af okkar daglega lífi og því nauðsynlegt að vera meðvituð og upplýst um hætturnar sem leynast á netinu.
8. mars 2022
Landsbankinn stóð fyrir vel heppnuðum fundi um netöryggismál fimmtudaginn 3. mars 2022. Á fundinum var m.a. fjallað um hvernig skipulagðir glæpahópar beina spjótum sínum að einstaklingum og fyrirtækjum og hvernig verjast má atlögum þeirra.