Vikubyrjun 31. október 2022
Verðlag hækkaði um 0,67% milli mánaða í október sem er umfram okkar spá um 0,44% hækkun. Það sem skýrir spáskekkjuna er fyrst og fremst að matvöruverð hækkaði um 1,6%, sem er mesta hækkun milli mánaða síðan í maí 2020, og fjórum sinnum meiri hækkun en við höfðum spáð. Það er einkum verð á kjöti sem þrýstir vísitölunni upp, en það hækkaði um 4,8% milli mánaða. Lambakjöt hækkaði langmest, um 16,7%. 12 mánaða verðbólga mældist 9,4% í október og hækkaði lítillega frá því í september þegar hún var 9,3%.
31. október 2022 - Greiningardeild
Vikan framundan
- Á þriðjudag verður útboð ríkisbréfa.
- Á miðvikudag birta Sýn og Marel árshlutauppgjör.
- Á fimmtudag birta Play, Reginn og Eimskip árshlutauppgjör.
- Á fimmtudag birtir Hagstofan gögn um vinnumarkaðinn á þriðja ársfjórðungi.
Mynd vikunnar
Ársverðbólgan stendur í 9,4% og þeir liðir sem hafa hækkað mest í verði eru bensín (26,2%) og húsnæði (17%). Matur og drykkur hafa hækkað í verði um 9,6% og föt og skór um 2,5%.
Við fjölluðum um það í vikunni að matvælaverð hefði hækkað mun minna hér á landi en í Evrópu. Þegar þróun matvöruverðs er metin út frá samræmdri vísitölu neysluverðs í september hækkaði það um 8,6% hér á landi á síðustu 12 mánuðum, um 13,8% á evrusvæðinu og 15,5% í löndum Evrópusambandsins.
Það helsta frá vikunni sem leið
- Hagstofan birti á fimmtudag vísitölu neysluverðs fyrir október. Verð hækkaði um 0,67% milli mánaða, en við höfðum spáð 0,44% hækkun. Hækkunin var mest í mat og drykk og þar var það lambakjöt sem hækkaði langmest, um 16,7%. Við gáfum út Hagsjá með samanburði á verðbólgu á Íslandi og í öðrum löndum.
- Seðlabanki Evrópu hækkaði stýrivexti um 0,75 prósentustig. Hækkunin var í takt við væntingar og stýrivextir á evrusvæðinu standa nú í 2%.
- Af skuldabréfamarkaði var helst að frétta að útboð ríkisvíxla (23 0118 og 23 0315) var haldið 24. október og að þann 26. október var RIKB 22 1026 á gjalddaga (73 ma.kr.)
- Af hlutabréfamarkaði var helst að frétta að Síminn, Arion banki, Festi, Eik, Íslandsbanki, Landsbankinn, Origo, Sjóvá og Skeljungur birtu árshlutauppgjör.
Hagtölur og markaðsupplýsingar
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.