29. nóvember 2021 - Greiningardeild
Vikan framundan
- Á þriðjudag birtir Hagstofan þjóðhagsreikninga fyrir 3. ársfjórðung og fjölda gistinótta í október.
- Á miðvikudag birtir Seðlabankinn greiðslujöfnuð fyrir 3. ársfjórðung, erlenda stöðu þjóðarbúsins og fundargerð peningastefnunefndar.
Mynd vikunnar
Verðbólga mældist 4,8% í nóvember. Ef við skoðum aðeins stærstu útgjaldaliði í vísitölunni sést að húsnæðiskostnaður útskýrir rúmlega helming verðbólgunnar, eða um 2,7 prósentustig af 4,8% (55%). Þar af útskýrir kostnaður við að búa í eigin húsnæði (reiknuð húsaleiga), sem er reiknuð út frá fasteignaverði og vaxtakjörum á fasteignalánum, tæplega helming, eða 2,1 prósentustig (45%). Bensín skýrir síðan 0,7 prósentustig (15%) en allir aðrir kostnaðarliðir sem eftir eru skýra síðan um 1,4 prósentustig (30%).
Efnahagsmál
- Vísitala neysluverðs hækkaði um 0,35% milli mánaða í nóvember og mælist verðbólga nú 4,8% í samanburði við 4,5% í október. Þetta var aðeins minni hækkun en búist var við, en við höfðum spáð +0,5% milli mánaða. Mest áhrif til hækkunar hafði kostnaður við að búa í eigin húsnæði, sem hækkaði um 1,1% milli mánaða, og bensín og olíur, sem hækkaði um 1,9%.
- Afgangur mældist á vöru- og þjónustujöfnuði á 3. ársfjórðungi. Afgangurinn nam 12,9 mö. kr. samanborið við 12,2 ma. kr. halla á sama tímabili í fyrra. Viðsnúningurinn nam því 25 mö. kr. sem skýrist að miklu leyti af því að þjónustuútflutningur jókst um 70 ma. kr. milli ára.
- Launavísitalan hækkaði um 0,5% milli mánaða í október. Hækkunin var óvenju mikil miðað við að lítið ætti að vera að gerast í þessum efnum samkvæmt kjarasamningum. Síðustu tólf mánuði hefur launavísitalan hækkað um 7,6% og kaupmáttur launa um 2,9%.
- Vinnumarkaðsrannsókn Hagstofu Íslands bendir til þess að vinnumarkaðurinn sé óðum að ná fyrri styrk. Hlutfall starfandi í október var 74,7% og hækkaði um 5,7 prósentustig milli ára. Atvinnuleysi var 5,5% í október sem er 3,2 prósentustigum lægra en á sama tíma í fyrra.
- Fjármála- og efnahagsráðuneytið birti uppgjör ríkissjóðs fyrir fyrstu níu mánuði ársins.
- Seðlabankinn birti í síðustu viku talnaefni um bankakerfið, lánasjóði ríkisins, önnur fjármálafyrirtæki, verðbréfa-, fjárfestingar- og fagfjárfestasjóði og útboð verðbréfa.
- Þjóðskrá birti tölur um veltu á fasteignamarkaði og viðskipti um atvinnuhúsnæði í október.
Fjármálamarkaðir
- Síldarvinnslan birti uppgjör í síðustu viku.
- Sýn tilkynnti að Samkeppniseftirlitið hafi samþykkt sölu félagsins á óvirkum farsímainnviðum.
- Hagar birtu uppfærða afkomuspá fyrir rekstrarárið 2021/22.
- Eik tilkynnti um breytingu á arðgreiðslustefnu.
- Landsréttur staðfesti niðurstöðu héraðsdóms í máli Glitnis og Orkuveitu Reykjavíkur.
- Alma íbúðafélag stækkaði áður útgefinn skuldabréfaflokk og Iceland Seafood lauk víxlaútboði.
Hagtölur og markaðsupplýsingar
Þú gætir einnig haft áhuga á
28. okt. 2024
Í vikunni birtir Hagstofan verðbólgutölur fyrir októbermánuð. Þessar verðbólgutölur verða þær síðustu fyrir næstu vaxtaákvörðun sem verður tilkynnt þann 20. nóvember nk. Í síðustu viku birti Hagstofan veltu skv. VSK-skýrslum, niðurstöður úr vinnumarkaðsrannsókn og launavísitölu. Þá er uppgjörstímabilið í kauphöllinni áfram í fullum gangi.
23. okt. 2024
Velta í hagkerfinu jókst um 2,1% á milli ára í júlí og ágúst að raunvirði, samkvæmt virðisaukaskattskýrslum. Svo mikið hefur veltan ekki aukist frá því á VSK-tímabilinu janúar-febrúar árið 2023, þegar hagkerfið var enn að rétta úr kútnum eftir covid-samdráttinn.
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.