28. febrúar 2022 - Greiningardeild
Vikan framundan
- Í dag birtir Hagstofan þjóðhagsreikninga fyrir 2021.
- Á miðvikudag birtir Seðlabankinn greiðslujöfnuð við útlönd fyrir 4. ársfjórðung 2021 ásamt tölum um erlenda stöðu og skuldir þjóðarbúsins.
Mynd vikunnar
Hlutabréfaverð bæði í Úkraínu og Rússlandi féll um tæp 40% daginn eftir að Rússland réðst inn í Úkraínu, en líklegt er að refsiaðgerðir Vesturlanda muni þrengja eitthvað að hagkerfi Rússlands. Hlutabréfaverð á Evrusvæðinu og Bretlandi lækkaði einnig daginn eftir innrásina.
Efnahagsmál
- Vísitala neysluverðs hækkaði um 1,16% milli mánaða í febrúar og mælist verðbólgan nú 6,2% samanborið við 5,7% í janúar. Þetta er mesta verðbólga sem hefur mælst síðan í apríl 2012 þegar 6,4% verðbólga mældist, en í þeim verðbólgukúfi fór verðbólgan hæst í 6,5% í janúar 2012.
- Samkvæmt fundargerð peningastefnunefndar 7.-8. febrúar voru allir nefndarmenn þeirrar skoðunar að hækka þurfti vexti og var rætt um hækkun milli 0,5 og 1,0 prósentur. Allir fundarmenn studdu tillögu Seðlabankastjóra um að hækka vexti um 0,75 prósentur.
- Vísitala launa hækkaði um 3,7% milli mánaða í janúar. Síðustu 12 mánuði hefur launavísitalan hækkað um 7,3%, sem er eilítið lægri árstaktur en verið hefur síðustu mánuði. Kaupmáttur launa jókst um 1,1% milli janúarmánaða 2021 og 2022 þrátt fyrir óvenju mikla verðbólgu og hefur aldrei verið hærri.
- Auk vísitölu neysluverðs og vísitölu launa birti Hagstofan í vikunni vöru- og þjónustujöfnuð á 4. ársfjórðungi 2021, niðurstöður úr vinnumarkaðsrannsókn sinni fyrir janúar og bráðabirgðatölur um veltu samkvæmt virðisaukaskattskýrslum 2021.
- Seðlabankinn birti talnaefni um bankakerfið og útboð verðbréfa í janúar.
Fjármálamarkaðir
- Iceland Seafood, Brim, Kvika banki og VÍS (fjárfestakynning) birtu ársuppgjör í síðustu viku.
- Lánamál ríkisins luku útboði ríkisvíxla og viðbótarútgáfu ríkisbréfa, Orkuveita Reykjavíkur lauk útboði á grænum skuldabréfum, Alma íbúðarfélag lauk sölu á víxlum.
- RARIK birti ársreikning.
Hagtölur og markaðsupplýsingar
Þú gætir einnig haft áhuga á
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.