25. mars 2024
Vikan framundan
- Á mánudag birtir Amaroq ársuppgjör fyrir síðasta ár.
- Á þriðjudag birtir Hagstofa Íslands vísitölu neysluverðs. Við spáum því að vísitalan hækki um 0,57% á milli mánaða í mars og að ársverðbólga verði áfram 6,6%.
- Á miðvikudag uppfærir Seðlabanki Íslands Hagvísa.
Mynd vikunnar
Stýrivextir verða áfram 9,25%, samkvæmt ákvörðun Peningastefnunefndar sem var tilkynnt á miðvikudag. Ákvörðunin kom ekki á óvart, en við höfðum þó spáð því að tónninn í yfirlýsingunni yrði mildari en hann var. Í yfirlýsingu nefndarinnar kom fram að þó verðbólga hefði hjaðnað lítillega í febrúar væri hún þrálát og verðbólguvæntingar enn yfir markmiði. Þá kom fram að endurskoðun Hagstofunnar á þjóðhagsreikningum sýndi að spenna í þjóðarbúinu væri meiri en áður hefði verið talið, sem gæti haft í för með sér meira launaskrið en ella. Að lokum gætu aðgerðir í ríkisfjármálum aukið eftirspurn og verðbólguþrýsting. Hagfræðideild fjallaði um ákvörðunina í Umræðunni, hlaðvarpi Landsbankans.
Það helsta frá vikunni sem leið
- Á þriðjudag birti HMS nýja vísitölu íbúðaverðs, og uppfærði ekki þá gömlu. Ný vísitala byggir á nýrri aðferðafræði og er ekki samanburðarhæf við þá gömlu. Ný vísitala íbúðaverðs hækkaði um 1,9% á milli mánaða í febrúar en lækkaði um 1% mánuðinn á undan. Þótt nýja vísitalan virðist sveiflast meira milli mánaða en sú gamla er árshækkunin svipuð. Árshækkun nýju vísitölunnar var 5,7% í febrúar, en árshækkun þeirrar gömlu var 5,4% í janúar.
- Á miðvikudag birti Peningastefnunefnd ákvörðun um að halda vöxtum óbreyttum í 9,25%.
- Á fimmtudag birti Hagstofa Íslands uppfærðar mannfjöldatölur sem byggja á nýrri aðferðafræði. Hingað til var aðeins byggt á skráningu lögheimilis í þjóðskrá, sem leiddi til ofmats vegna þess að lítill hvati var til þess að tilkynna brottflutning frá landinu. Nýja aðferðin byggir á lögheimilskráningu, en einnig er litið til þess hvort kennitalan sé í virkri notkun, þ.e. hvort einstaklingur sé t.d. skráður í skóla eða hafi fengið staðgreiðsluskyldar tekjur síðustu mánuði. Samkvæmt uppfærðum mannfjöldatölum voru íbúar landsins 383.726 talsins við síðustu áramót, 3,8% færri en eldri aðferð gaf til kynna, og fjölgaði um 2,3% á síðasta ári.
- Launavísitalan hækkaði um 0,2% í febrúar, samkvæmt tölum sem Hagstofan birti á föstudag.
- Vöxtum var haldið óbreyttum í Bandaríkjunum og Bretlandi í síðustu viku. Verðbólga á Bretlandi lækkaði úr 4% í 3,4% í febrúar.
- Alvotech og Iceland Seafood birtu ársuppgjör.
- Lánamál ríkisins luku útboði ríkisvíxla. Hagar luku útboði í nýjum 6 mánaða víxlaflokki.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.
19. feb. 2025
Um 122 þúsund ferðamenn komu til landsins í janúar, samkvæmt talningu Ferðamálastofu. Ferðamenn voru 5,8% færri en á sama tíma í fyrra sem er á skjön við þróun síðustu mánaða, en allt frá því í júlí sl. hefur ferðamönnum fjölgað á milli ára. Þótt ferðamönnum hafi fækkað í janúar hélt kortavelta þeirra áfram að aukast.
18. feb. 2025
Enn eru merki um að landsmenn hafi svigrúm til neyslu þrátt fyrir langvarandi hávaxtastig. Kortavelta eykst með hverjum mánuðinum, utanlandsferðir í janúar hafa aldrei verið jafnmargar og í ár og samt virðast yfirdráttarlán ekki hafa færst í aukana. Á sama tíma hefur slaknað þó nokkuð á spennu á vinnumarkaði, eftirspurn eftir vinnuafli hefur dvínað og atvinnuleysi tók stökk í janúar þegar það fór yfir 4%.
17. feb. 2025
Erlendum ferðamönnum í janúar fækkaði um 5,8% á milli ára samkvæmt talningu Ferðamálastofu sem birt var í síðustu viku. Einnig fóru fram verðmælingar Hagstofunnar vegna vísitölu neysluverðs í febrúar og spáum við því að verðbólga hjaðni niður í 4,3%. Í þessari viku fáum við kortaveltutölur frá Seðlabankanum, vísitölur íbúða- og leiguverðs frá HMS auk þess sem fundargerð peningastefnunefndar verður birt.
10. feb. 2025
Peningastefnunefnd lækkaði vexti um 0,5 prósentustig í síðustu viku. Í þessari viku koma tölur um skráð atvinnuleysi og fjölda brottfara frá Leifsstöð auk þess sem Hagstofan framkvæmir verðkannanir vegna vísitölu neysluverðs. Uppgjörstímabilið í Kauphöllinni er síðan enn í fullum gangi.