Vikubyrjun 14. janúar
Eftir ævintýralegan vöxt seinustu ár virðist nú vera að hægja verulega á fjölgun erlendra ferðamanna hér á landi. Samkvæmt talningu Ferðamálastofu fóru um 2,3 milljónir erlendra farþega um Leifsstöð á seinasta ári og fjölgaði þeim um 5,5% milli ára. Til samanburðar var fjölgunin á bilinu 24% til 40% á árunum 2011 til 2017.
14. janúar 2019
Vikan framundan
- Á morgun birtir Þjóðskrá vísitölu íbúðaverðs á höfuðborgarsvæðinu og Seðlabankinn birtir tölur um greiðslumiðlun.
- Á miðvikudag birtir Þjóðskrá vísitölu leiguverðs á höfuðborgarsvæðinu.
Mynd vikunnar
Eftir ævintýralegan vöxt seinustu ár virðist nú vera að slá verulega á fjölgun erlendra ferðamanna hér á landi. Samkvæmt talningu Ferðamálastofu fóru um 2,3 milljónir erlendra farþega um Leifsstöð á seinasta ári og fjölgaði þeim um 5,5% milli ára. Til samanburðar var fjölgunin á bilinu 24% til 40% á árunum 2011 til 2017.
Það helsta frá vikunni sem leið
- Við spáðum að verðbólgan lækki í janúar.
- Brottfarir erlendra farþega voru 2,3 milljónir í fyrra.
- Niðurstöður vinnumarkaðskönnunar Hagstofunnar fyrir nóvember sýna áfram að stöðugleiki ríkir á íslenskum vinnumarkaði.
- Í desember flutti Icelandair 12% fleiri farþega en í desember 2017.
- Raungengið í desember var 9,2% lægra en í desember 2017.
- Heildarvelta á millibankamarkaði með krónur var 2,0 ma.kr. í desember.
- Veltan á millibankamarkaði með gjaldeyri var 20,1 ma.kr.
- Hagstofan birti uppfærðar tölur um vöruviðskipti á fyrstu 11 mánuðum 2018 og bráðabirgðatölur fyrir desember.
- Hagstofan birti skammtímahagvísa ferðaþjónustu.
- Íslandsbanki lauk víxlaútboði, Lykill fjármögnun lauk víxlaútboði, Arion banki lauk útboði sértryggðra skuldabréfa, og Lánamál ríkisins luku útboði verðtryggðra ríkisbréfa.
- Lánamál ríkisins gáfu út mánaðarlegt markaðsupplýsingarrit sitt.
Hagtölur og markaðsupplýsingar
Hagtölur 14. janúar 2019 (PDF)
Þú gætir einnig haft áhuga á
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.