Korthafi getur tekið mynd t.d. af kvittun, hlaðið inn mynd eða skrá úr tæki og vistað hana við kreditkortafærslu í appinu. Landsbankinn geymir gögnin í þrjú ár frá þeim degi sem þau eru færð inn í appið og netbankann.

Korthafi fer í kortayfirlitið og velur færslu sem hann vill hengja skrá við. Þegar færsla hefur verið valin er smellt á „Viðhengi“ og þá er hægt að taka mynd, hlaða inn mynd eða hlaða inn skrá. Auk þess er hægt að bæta við skýringu og bókunarlykli.

Hægt er að taka mynd með tækinu sem unnið er í, hlaða upp mynd og PDF-skjali úr tækinu.

Það er hægt að bæta allt að þremur myndum og einu skjali við hverja færslu.  

Í netbanka fyrirtækja getur stjórnandi eða bókari fyrirtækis skráð bókunarlykla með sama heiti og númeri og notuð eru í bókhaldskerfi fyrirtækisins. Korthafi getur svo valið úr þessum bókunarlyklum þegar skrá er hengd við kortafærslu. Þannig er hægt að lykla færslu jafnóðum og færa hana á viðeigandi stað í bókhaldinu. 

Til að stofna bókunarlykil fer notandi í netbanka fyrirtækisins og velur „Aðgerðir“ á kortayfirliti og síðan „Bókunarlyklar.“ Hér getur fyrirtækið sett upp bókunarlykla sem verða sýnilegir korthöfum í appinu. 

Þessi aðgerð er aðgengileg þeim sem hafa tilskildar aðgangsheimildir í netbankanum, eins og prókúruhöfum, framkvæmdastjórum og umboðshöfum. Með aðgangsstýringu er tryggt að aðeins réttir aðilar hafi aðgang að stofnun og breytingum á bókunarlyklum, sem eykur öryggi og samræmi í bókhaldinu. 

Bókunarlyklar eru samsettir úr lýsingu og númeri sem geta hvort um sig verið allt að 32 stafir (bókstafir, tölur og tákn). 

Já, korthafar geta hvenær sem er bætt við eða breytt bókunarlyklum, viðhengjum og skýringum. Gögnin uppfærast samstundis í netbanka fyrirtækisins. 

Nei, korthafi getur farið í appið, fundið færsluna í yfirlitinu og breytt eða bætt við upplýsingum eftir að kaupin hafa átt sér stað. Það þarf þó að athuga að gögnin færast ekki sjálfkrafa úr appinu í bókhald fyrirtækisins heldur er það gert handvirkt.

Korthafi getur farið í appið, fundið færsluna og breytt.  

Nei, starfsfólk bankans hefur ekki aðgang að þeim gögnum. 

Þegar korthafi hefur valið viðhengi, bætt skýringu eða bókunarlykli við færslu í appinu verða upplýsingarnar samstundis aðgengilegar í hreyfingayfirliti kortsins í netbankanum. Þessar færslur eru sérstaklega merktar í yfirlitinu þannig að auðvelt er að sjá hvaða færslur korthafi hefur átti við og hvar vantar upplýsingar. 

Allir sem hafa aðgang að viðkomandi korti geta séð viðhengi, skýringu og bókunarlykil sem korthafi hefur hengt við færsluna. Hægt er að uppfæra eða breyta bókunarlykli og skýringu í netbanka fyrirtækja.  

Korthafi þarf að hafa tæki sem styður Landsbankaappið til að geta hengt viðhengi við færslur

Með því að hengja kvittanir við færslur í appinu er minni hætta á að þær glatist eða gleymist. Korthafi getur bætt við kvittun og skýringu um leið og kaup eiga sér stað í stað þess að safna saman kvittunum. Þetta auðveldar einnig fyrirtækjum að lykla færslur strax. Allt eykur þetta rekjanleika og skilvirkni í bókhaldinu.  

Nei, fyrirtæki greiða engan aukakostnað fyrir að nýta þjónustuna

Þessi þjónusta er sérstaklega hönnuð fyrir kreditkort. Það er ekki mögulegt að hengja kvittanir við debetkortafærslur eða aðrar greiðsluleiðir eins og er.  

Landsbankinn býður upp á vefþjónustur sem gera það mögulegt að senda gögn beint inn í bókhaldskerfi fyrirtækis til að auka skilvirkni enn frekar. Fyrirtæki geta þá forritað á móti þjónustunum til að draga úr handavinnu við tilfærslu gagna inn í bókhaldskerfi. Meira um það á https://developers.landsbankinn.is/. 

Landsbankinn geymir gögnin í þrjú ár frá þeim degi sem þau eru færð inn í appið og netbankann. Gögnin eru eign fyrirtækisins og bankinn tekur ekki ábyrgð á þeim. Bankinn ábyrgist ekki að hægt sé að endurheimta kvittanir eða viðhengi ef þær týnast eða glatast í meðförum bankans.