Áður en þú hefur notkun á kortinu þínu þarf að sækja PIN-númerið í appinu eða netbankanum.

Í Landsbankaappinu smellir þú á PIN hjá viðkomandi debetkorti en í netbankanum ferð þú á Síðan mín, smellir á aðgerðarhnapp hjá debetkortareikningnum og velur Sækja PIN.

Kortið virkjast svo við fyrstu greiðslu og um leið samþykkir þú skilmála kortsins.

Ef kortinu er stolið eða það týnist er mikilvægt að frysta það strax í appinu eða hafa samband við þjónustuver okkar í síma 410 4000. Utan afgreiðslutíma bankans getur þú hringt í 525 2000 sem er neyðarnúmer vegna Visa-korta.

Til að fá nýtt kort getur þú haft samband við þjónustuver okkar í síma 410 4000 eða með tölvupósti.

Þú finnur alltaf PIN númer debetkorta í appinu eða netbankanum.
Í Landsbankaappinu smellir þú á PIN hjá viðkomandi debetkorti en í netbankanum ferð þú á Síðan mín, smellir á aðgerðarhnapp hjá viðkomandi debetkorti og velur Sækja PIN.
Ekki er hægt að breyta PIN númeri kortsins

Já, það er hægt að tengja öll debetkort við síma eða úr og greiða snertilaust. Nánari upplýsingar má nálgast hér á vefnum.

Kreditkortin okkar eru alþjóðleg Visa kort sem fylgja nýjustu öryggisstöðlum. Visa er eitt elsta og þekktasta greiðslumiðlunarfyrirtæki heims og tekið er við Visa kortum á milljónum sölustaða um allan heim og í verslun á netinu.

Öryggisvottun Visa

Vottun Visa (Verified by Visa) er sjálfkrafa skráð á öll kortin okkar. Þegar þú notar kortið þitt í viðskiptum á netinu hjá söluaðila sem krefst þess að kort sé vottað færð þú sms skilaboð með lykilorði sem þú notar til að staðfesta þig sem korthafa. Þetta er einföld og örugg leið til að staðfesta að korthafi er réttur. Til að þessi þjónusta virki er mikilvægt að vera með rétt símanúmer skráð hjá bankanum.