Halldóra Vífilsdóttir gengur til liðs við Landsbankann
Halldóra Vífilsdóttir arkitekt hefur gengið til liðs við Landsbankann og mun hún starfa í teymi sem vinnur að undirbúningi nýbyggingar bankans við Austurhöfn í Reykjavík.
Halldóra Vífilsdóttir.
Halldóra lauk BA-námi í arkitektúr frá Háskólanum í Norður-Karólínu í Bandaríkjunum árið 1994, hún útskrifaðist með meistaragráðu í arkitektúr frá Tækniháskólanum í Helsinki árið 1997 og stundaði nám á meistarastigi í skipulagsfræðum við Landbúnaðarháskóla Íslands árið 2010.
Eftir útskrift árið 1994 vann Halldóra m.a. sem arkitekt, hönnunarstjóri og framkvæmdastjóri auk þess sem hún hefur sinnt stundakennslu í framkvæmdafræði við Háskóla Íslands. Halldóra hóf störf sem verkefnastjóri hjá Framkvæmdasýslu ríkisins árið 2010 og var skipuð aðstoðarforstjóri stofnunarinnar í ágúst 2012. Hún hefur verið forstjóri Framkvæmdasýslunnar frá nóvember 2014. Hún lætur af því starfi í lok nóvember og verður í fullu starfi hjá bankanum frá og með 1. desember nk. Halldóra hefur gegnt ýmsum öðrum trúnaðarstörfum en hún var m.a. formaður nefndar menntamálaráðherra sem falið var að koma með tillögur að stefnu stjórnvalda í mannvirkjagerð. Hún tók einnig þátt í að móta gæðastefnu Reykjavíkurborgar á sviði manngerðs umhverfis.
Lilja B. Einarsdóttir, bankastjóri Landsbankans segir: „Það er mikilvægt að fá sérfræðinga í hönnun og framkvæmdum til liðs við okkur vegna fyrirhugaðrar nýbyggingar bankans við Austurhöfn. Halldóra býr yfir mikilli reynslu og þekkingu á þessu sviði, m.a. á hönnun húsa fyrir verkefnamiðað vinnuumhverfi og er bankanum því mikilvægur liðsauki.“
Halldóra Vífilsdóttir segir: „Nýbygging Landsbankans við Austurhöfn er krefjandi og spennandi verkefni. Mikilvægt er að húsnæðið verði hagkvæmt og styðji við starfsemi bankans og að skipulag þess stuðli að því að hægt verði að laða fram það besta sem í starfsfólkinu býr. Ég hlakka mikið til að vinna með starfsfólki bankans og hönnuðum að því að reisa nýtt hús fyrir starfsemina, hús sem mun sóma sér vel á þessum mikilvæga stað.“
![](https://images.prismic.io/landsbankinn/Zsxc_UaF0TcGJY-i_elvar-thor-karlsson.jpg?fit=max&w=3840&rect=240,0,1440,1080&q=50)
![Sigurður Árni Sigurðsson](https://images.prismic.io/landsbankinn/Zp_WmB5LeNNTxboe_SK-LB2024_BK211163.png?fit=max&w=3840&rect=150,0,2404,1803&q=50)
![](https://images.prismic.io/landsbankinn/ZsiRJEaF0TcGJW-b_LB_Menningarnott_2024_1920x1080.jpg?fit=max&w=3840&&q=50)
![Eystra horn](https://images.prismic.io/landsbankinn/918043a6-cbf1-47cb-bc18-c7f87bee94a8_Landsbref-fjall.jpg?fit=max&w=3840&rect=87,0,1708,1281&q=50)
![Flutningaskip við Vestmannaeyjar](https://images.prismic.io/landsbankinn/eb63e91b-2dd7-49e6-b216-7219f2044d85_Flutningaskip-1920.jpg?fit=max&w=3840&&q=50)
![Netbanki](https://images.prismic.io/landsbankinn/92e7a426-af51-430b-95d2-9ceeef1f1d2a_Tolva-2023-Netbanki-einstaklinga.png?fit=max&w=3840&&q=50)
![](https://images.prismic.io/landsbankinn/ZpUzJh5LeNNTxKWz_landsbankinn_gay_pride-5_medium1600x1067.jpg?fit=max&w=3840&&q=50)
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)
![Austurbakki](https://images.prismic.io/landsbankinn/ced8837c-715d-4bd8-921f-a043ee61f45e_Austurbakki.png?fit=max&w=3840&&q=50)