Vikubyrjun 8. apríl
Í nýgerðum kjarasamningum eru ákvæði um að tengja launabreytingar við hagvöxt á mann. Það getur munað nokkru á þeim hagvexti sem yfirleitt er talað um og hagvexti á mann vegna þess að þjóðinni fjölgar sífellt. Þannig mældist 4,6% hagvöxtur á síðasta ári, en 1,7% hagvöxtur á mann. Síðan 1946 hefur hagvöxtur á mann verið 1,4 prósentustigum minni að meðaltali en mældur hagvöxtur hér á landi, enda hefur íbúum landsins fjölgað mikið síðan eftir seinna stríð.
8. apríl 2019
Vikan framundan
- Klukkan 9 í dag birti Seðlabankinn útreikninga á raungengi í mars og upplýsingar um millibankamarkað með gjaldeyri og krónur.
- Á þriðjudag birta Lánamál ríkisins markaðsupplýsingar.
- Á miðvikudag heldur Eik aðalfund.
- Á föstudag birtir Vinnumálastofnun tölur um skráð atvinnuleysi í mars.
Mynd vikunnar
Í nýgerðum kjarasamningum eru ákvæði um að tengja launabreytingar við hagvöxt á mann. Það getur munað nokkru á þeim hagvexti sem yfirleitt er talað um og hagvexti á mann vegna þess að þjóðinni fjölgar sífellt. Þannig mældist 4,6% hagvöxtur á síðasta ári, en 1,7% hagvöxtur á mann. Síðan 1946 hefur hagvöxtur á mann verið 1,4 prósentustigum minni að meðaltali en mældur hagvöxtur hér á landi, enda hefur íbúum landsins fjölgað mikið síðan eftir seinna stríð. Þess má að lokum geta að frá 1980 hefur hagvöxtur á mann 24 sinnum verið meiri en 1%, en 15 sinnum minni en 1%.
Það helsta frá vikunni sem leið
- Skrifað var undir kjarasamninga á almennum vinnumarkaði.
- Seðlabankinn birti fyrri fjármálastöðugleikaskýrslu ársins.
- Samkvæmt fundargerð peningastefnunefndar sem birt var í vikunni voru allir nefndarmenn sammála um að halda vöxtum óbreyttum á síðasta fundi nefndarinnar.
- Icelandair gekk frá leigu á tveimur Boeing 767 þotum.
- Moody’s birti mat á áhrifum gjaldþrots WOW.
- Landsbankinn og Orkuveita Reykjavíkur héldu aðalfundi.
- Hagstofan birti tölur um
- Kvika banki hélt kynningu fyrir markaðsaðila í tengslum við skráningu bankans á aðalmarkað.
- Íslandsbanki lauk útboði sértryggðra skuldabréfa, Arion banki lauk útboði sértryggðra skuldabréfa, Íslandsbanki lauk víxlaútboði, Orkuveita Reykjavíkur lauk útboði grænna skuldabréfa og Lánamál útboði ríkisbréfa.
Hagtölur og markaðsupplýsingar
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.