3. október 2022 - Greiningardeild
Vikan framundan
- Á miðvikudag er vaxtaákvörðun hjá Seðlabanka Íslands. Við spáum 0,5 prósentustiga hækkun vaxta og að meginvextir bankans, sjö daga bundin innlán, fari úr 5,5% upp í 6%. Við teljum að vaxtahækkunarferlinu sé ekki lokið og að Seðlabankinn muni þurfa að herða aðhaldið frekar.
- Á fimmtudag birtir Icelandair flutningstölur.
- Á föstudag birtir Play flutningstölur. Seðlabankinn birtir útreikning á raungengi.
Mynd vikunnar
Fjölmörg heimili nýttu tækifærið á meðan vextir voru hvað lægstir til þess að festa vexti á íbúðalánum, annað hvort til þriggja ára eða fimm ára. Á næsta og þarnæsta ári fer fram vaxtaendurskoðun á óverðtryggðum íbúðalánum með föstum vöxtum að fjárhæð 340 milljarða króna. Árið 2025 verður vaxtaendurskoðun á 270 milljörðum króna til viðbótar. Útistandandi lán með veði í íbúðarhúsnæði eru alls 2.350 milljarðar króna, þannig að vaxtaendurskoðun fer fram á fjórðungi fasteignalána á árunum 2023 til 2025. Megnið af þessum lánum voru tekin á mjög hagstæðum kjörum og er alls óvíst hvort slík kjör muni bjóðast þegar vaxtaendurskoðun fer fram. Fjölmörg heimili munu því sjá fram á hærri greiðslubyrði á næstu árum.
Helsta frá vikunni sem leið
- Verðbólgan mældist 9,3% í september. Verðbólga lækkaði milli mánaða annan mánuðinn í röð og hefur lækkað um 0,6 prósentustig síðan hún náði hámarki í 9,9% í júlí. Septembermæling vísitölu neysluverðs rennir frekari stoðum undir þá skoðun okkar að verðbólga hafi náð hámarki í júlí. Við eigum von á að verðbólgan hjaðni hægt næstu mánuði og verði 8,2% í lok árs.
- Gistinætur á skráðum gististöðum voru 1.470 þúsund í ágúst, sem er mesti fjöldi sem hefur mælst í ágústmánuði. Mesti fjöldi sem mælst hefur í stökum mánuði var í júlí í ár þegar gistinæturnar voru 1.550 þúsund. Íslendingar voru á bak við eina af hverjum fimm gistinóttum í ágúst, en hlutfall Íslendinga í skráðum gistinóttum hefur aukist miðað við stöðuna fyrir heimsfaraldurinn. Þrátt fyrir að fjöldi erlendra ferðamanna í ágúst hafi verið um 4% færri en 2019 voru gistinætur þeirra 11% fleiri. Þetta bendir til þess að erlendir ferðamenn séu að gista lengur en fyrir faraldur. Taka skal fram að hluti gistinótta í gegnum Airbnb eru óskráðar og því ekki inni í þessum tölum, sem kann að skekkja myndina.
- Seðlabankinn birti yfirlýsingu fjármálastöðugleikanefndar og fjármálastöðugleikaskýrslu. Nefndin gerði engar breytingar að þessu sinni, hvorki á sveiflujöfnunaraukanum né á öðrum stjórntækjum sem hún hefur yfir að ráða.
- Seðlabankinn birti líka Hagvísa.
- Tvö víxlaútboð voru í vikunni. Lánamál ríkisins luku útboði ríkisvíxla og Iceland Seafood lauk víxlaútboði. Lánamál ríkisins birtu ársfjórðungsáætlun fyrir 4F. Af hlutabréfamarkaðinum var helst að frétta að Ölgerðin birti jákvæða afkomuviðvörun.
Hagtölur og markaðsupplýsingar
Þú gætir einnig haft áhuga á
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
21. feb. 2025
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.
19. feb. 2025
Um 122 þúsund ferðamenn komu til landsins í janúar, samkvæmt talningu Ferðamálastofu. Ferðamenn voru 5,8% færri en á sama tíma í fyrra sem er á skjön við þróun síðustu mánaða, en allt frá því í júlí sl. hefur ferðamönnum fjölgað á milli ára. Þótt ferðamönnum hafi fækkað í janúar hélt kortavelta þeirra áfram að aukast.
18. feb. 2025
Enn eru merki um að landsmenn hafi svigrúm til neyslu þrátt fyrir langvarandi hávaxtastig. Kortavelta eykst með hverjum mánuðinum, utanlandsferðir í janúar hafa aldrei verið jafnmargar og í ár og samt virðast yfirdráttarlán ekki hafa færst í aukana. Á sama tíma hefur slaknað þó nokkuð á spennu á vinnumarkaði, eftirspurn eftir vinnuafli hefur dvínað og atvinnuleysi tók stökk í janúar þegar það fór yfir 4%.