21. febrúar 2022 - Greiningardeild
Vikan framundan
- Á þriðjudag birtir Hagstofan launavísitöluna fyrir janúar. Iceland Seafood birtir ársuppgjör.
- Á miðvikudag birtir Seðlabankinn fundargerð Peningastefnunefndar.
- Á fimmtudag Hagstofan niðurstöður úr vinnumarkaðsrannsókn sinni. Brim, Kvika banki og VÍS birta ársuppgjör.
- Á föstudag birtir Hagstofan febrúarmælingu vísitölu neysluverðs. Við spáum því að vísitalan hækki um 0,8% milli mánaða og að verðbólgan hækki úr 5,7% í 5,8%. Auk þess birtir Hagstofan vöru- og þjónustujöfnuð fyrir 4. ársfjórðung þennan dag.
Mynd vikunnar
Tölur um innlán og yfirdráttarlán heimilanna benda til þess að fjárhagsleg staða þeirra hafi batnað nokkuð á síðustu árum. Þannig hafa innlán heimilanna aukist um 54% að raunvirði frá árslokum 2013, þar af um 9% frá lokum febrúar 2020 rétt áður en Covid-19 heimsfaraldurinn skall á. Nokkra athygli vekur að innlán jukust í gegnum þessar efnahagsþrengingar en innlán drógust verulega saman í kjölfar falls viðskiptabankanna haustið 2008. Yfirdráttarlán hafa dregist nokkuð saman síðustu ár og eru nú 27% lægri að raunvirði en í lok árs 2013.
Efnahagsmál
- Vísitala íbúðaverðs hækkaði um 1,7% milli mánaða í janúar. Þetta er annar mánuðurinn í röð þar sem mikil hækkun á íbúðaverði mælist en í desember hækkaði vísitalan um1,8%. Árshækkun íbúðarhúsnæðis alls mælist 20,3% í janúar og hefur ekki mælst hærri síðan sumarið 2017.
- Velta innlendra greiðslukorta jókst um 10% að raunvirði milli ára í janúar, en til samanburðar var vöxturinn 14% milli ára í desember og 20% í nóvember. Helsta breytingin sem nú sést á neyslumynstri Íslendinga er að neyslan færist meira út fyrir landsteinana og er aukin velta í janúar nær alfarið tilkomin vegna aukinnar neyslu hjá erlendum söluaðilum.
- Vísitala leiguverðs á höfuðborgarsvæðinu hækkaði um 1,1% milli mánaða í janúar. Árshækkun leiguverðs er 5,8%, sem er 14,5 prósentustigum lægra en árshækkun íbúðaverðs. Heildarfjöldi leigusamninga á landinu öllu var 531 í janúar.
- Seðlabankinn birti: Gjaldeyrisforða og tengda liði í janúar og tryggingarfélög í desember.
- Hagstofan birti: Afla í janúar, vöru- og þjónustujöfnuð í nóvember og skammtímahagvísa ferðaþjónustu í febrúar.
- Landsvirkjun birti ársuppgjör.
Fjármálamarkaðir
Eik, Eimskip, Reitir, Síminn og Sýn birtu ársuppgjör í síðustu viku.
Arion banki, Sjóvá og Reginn birtu ársskýrslur fyrir 2021.
Landsbankinn lauk útboði sértryggðra skuldabréfa, Lánasjóður sveitarfélaga lauk skuldabréfaútboði (viðbótarútgáfa) og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
23. okt. 2024
Velta í hagkerfinu jókst um 2,1% á milli ára í júlí og ágúst að raunvirði, samkvæmt virðisaukaskattskýrslum. Svo mikið hefur veltan ekki aukist frá því á VSK-tímabilinu janúar-febrúar árið 2023, þegar hagkerfið var enn að rétta úr kútnum eftir covid-samdráttinn.
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.