Ferða­þjón­ust­an á fleygi­ferð

Um 142 þúsund erlendir ferðamenn fóru í gegnum Keflavíkurflugvöll í apríl og er þetta því þriðji stærsti aprílmánuður frá upphafi. Ferðir Íslendinga til útlanda í apríl voru 56 þúsund, örlítið færri en í fyrra. Þeir ferðamenn sem nú koma gera betur við sig en þeir gerðu fyrir faraldur. Þá hafa bílaleigubílar í umferð aldrei verið fleiri í apríl en nú.
Flugvél
16. maí 2023

Brottfarir erlendra ferðamanna voru um 142 þúsund í apríl og hafa aðeins tvisvar verið fleiri í mánuðinum, árin 2017 og 2018. Í síðasta mánuði voru brottfarirnar um 161 þúsund, en það er ekki óalgengt að brottförum fækki lítillega milli mars og apríl. Í nýjustu Þjóðhags- og verðbólguspá Hagfræðideildar spáðum við því að hingað kæmu 2,1 milljón ferðamenn og eru þessar tölur í samræmi við þá spá.

Bandaríkjamenn fjölmennasti hópurinn

Sem fyrr voru Bretar og Bandaríkjamenn langfjölmennasti ferðamannahópurinn með um 43% af brottförum en nú hafa Bandaríkjamenn tekið við af Bretum sem fjölmennasti einstaki hópurinn. Pólverjar voru þriðji stærsti hópurinn sem fór í gegnum flugvöllinn í apríl, en það eru líklega ekki aðeins ferðamenn heldur einnig fólk sem er búsett hér og fór til Póllands yfir páskana.

Páskaferðir Íslendinga áberandi

Færri Íslendingar flugu frá Keflavíkurflugvelli í apríl í ár en í fyrra, þó munurinn sé ekki mikill. Íslendingar voru fljótir að taka við sér í fyrra þegar opnað var á ferðalög og enn virðist nokkur ferðaþorsti vera til staðar. Páskarnir og tímasetning þeirra setja auðvitað mark sitt á þessar tölur. Fleiri Íslendingar héldu til útlanda nú í apríl en í apríl 2018 svo dæmi sé tekið, en það ár byrjuðu páskarnir í mars en ekki apríl. Einnig má ætla að einhverjir hafi núna farið af stað í páskafríin sín í mars, en ekki apríl, þar sem páskarnir voru fyrr á ferðinni apríl í ár en í fyrra og það gæti útskýrt lítilsháttar samdrátt milli ára nú.

Skráðar gistinætur á ferðamann fleiri en fyrir faraldur en fjöldi óskráðra gistinótta lækkar

Hagstofan birtir bæði tölur um fjölda skráðra gistinótta og áætlaðan fjölda óskráðra gistinótta. Óskráðar gistinætur eru þær sem eru keyptar í gegnum erlendar vefsíður eins og Airbnb, gisting í húsbíl, tjaldi eða tjaldvagni utan gjaldskyldra tjaldsvæða og gisting í heimahúsum hjá kunningjum eða ættmennum. Á fyrsta fjórðungi þessa árs er fjöldi skráðra gistinótta á hvern ferðamann fleiri en árin fyrir faraldur, en á móti kemur að áætlaðar tölur Hagstofunnar um óskráða gistingu benda til þess að fjöldi óskráðra gistinótta sé nú lægri. Það er því ekki ljóst að ferðamenn dvelji lengur hér á landi það sem af er ári, en þessar tölur benda til þess að þeir dvelji frekar á skráðum gististöðum, til dæmis á hótelum, sem eru alla jafna dýrari en gisting á óskráðum gististöðum.

Hver ferðamaður eyðir að jafnaði meiru

Kortavelta erlendra ferðamanna á föstu gengi stóð nánast í stað á milli mánaða í apríl, á sama tíma og ferðamenn voru færri, sem þýðir að hver ferðamaður eyddi að meðaltali meiri pening en í mars. Kortavelta á föstu gengi á hvern ferðamann er áfram meiri en hún var fyrir faraldur, sem gæti skýrst af því að ferðamenn eigi ennþá uppsafnaðan sparnað eftir faraldurinn, einnig passar þetta við gögnin um gistinætur sem sýnir að ferðamenn eru gjarnari nú en áður til þess að gista á skráðum gististöðum en óskráðum sem eru alla jafnan dýrari.

Bílaleigubílar í umferð aldrei fleiri

Fjöldi bílaleigubíla í umferð hefur aldrei verið meiri á fyrstu mánuðum ársins. Ætla má að framleiðsluhnökrar og tafir í flutningum í heimshagkerfinu sem rekja mátti til Covid-19 áhrifa og stríðsins í Úkraínu séu frá og vel hafi gengið hjá bílaleigum að ná upp flota fyrir sumarið. Ekki veitir af gangi spár okkar um fjölda ferðamanna eftir, en við gerum ráð fyrir að 2,1 milljón ferðamenn komi til landsins á þessu ári og ætla að eftirspurnin eftir bílum til leigu verði talsverð.

Fyrirvari
Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara.

Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti.

Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.
Þú gætir einnig haft áhuga á
Seðlabanki
13. mars 2025
Spáum vaxtalækkun um 0,25 prósentustig
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Spáum verðbólgu undir 4% í mars
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
Flutningaskip
10. mars 2025
Vikubyrjun 10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
Sendibifreið og gámar
7. mars 2025
Verri niðurstaða í viðskiptum við útlönd
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Fréttabréf Greiningardeildar 3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
Peningaseðlar
3. mars 2025
Vikubyrjun 3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% í fyrra
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
Epli
27. feb. 2025
Verðbólga hjaðnar í 4,2%
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
Fiskveiðinet
24. feb. 2025
Vikubyrjun 24. febrúar 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.
Fjölbýlishús
21. feb. 2025
Íbúðaverð tók stökk í janúar
Íbúðaverð hækkaði mun meira í janúar en síðustu mánuði. Íbúðaverð hefur verið nokkuð sveiflukennt og óútreiknanlegt undanfarið en stökkið í janúar skýrist af verðhækkun á sérbýli. Íbúðum á sölu hefur fjölgað hratt síðustu mánuði og birgðatími lengst. Grindavíkuráhrifin hafa fjarað út að langmestu leyti og hækkanir á verðtryggðum vöxtum kældu markaðinn undir lok síðasta árs.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur