Landsbankinn í 1. sæti hjá Sustainalytics
![](https://images.prismic.io/landsbankinn/64b44b50-6497-4c21-aafe-a92a04664b17_Fjall-1024.jpg?fit=max&w=3840&rect=0,30,1024,576&q=50)
Við lækkum úr 13,5 niður í 9,7 á skala sem nær upp í 100 og færumst úr öðru sæti í það fyrsta. Þetta þýðir að Sustainalytics telur hverfandi áhættu á að Landsbankinn verði fyrir fjárhagslegum áföllum vegna umhverfismála, félagslegra þátta og stjórnarhátta (UFS-þátta).
Lilja Björk Einarsdóttir, bankastjóri Landsbankans: „Við erum gríðarlega stolt af því að komast í lægsta áhættuflokk Sustainalytics. Þessi niðurstaða sýnir að við erum að gera hlutina rétt. Þennan frábæra árangur má þakka mikilli vinnu sem við höfum lagt í sjálfbærni undanfarinn áratug. Meðal nýjustu aðgerða bankans í sjálfbærni er að fá utanaðkomandi endurskoðun á sjálfbærniskýrslu okkar og alþjóðlega vottun á kolefnisjöfnun bankans. Einnig má nefna þætti sem munu skipta enn meira máli í framtíðinni og það er t.d. breytt vinnuumhverfi, fjölbreytni starfa um allt land og að snúa áskorunum upp í tækifæri. Uppfært UFS-áhættumat Sustainalytics, sem metur bankann með hverfandi áhættu, er gott stöðumat á því hvar við stöndum og nú er áskorunin að halda áfram okkar góða starfi því við viljum við vera í fremstu röð.“
Nánar um áhættumat Sustainalytics
UFS-áhættumat metur áhættu og áhættustýringu fyrirtækis í tengslum við umhverfismál og félagslega þætti, auk stjórnarhátta sem taldir eru mikilvægir fyrir hvert fyrirtæki út frá undirliggjandi atvinnugreinum. Aðferðafræðin metur umfang mikilvægrar UFS-áhættu sem áhættustýring fyrirtækis nær ekki til. Því meiri áhætta sem fellur utan áhættustýringarramma fyrirtækis, því hærra er áhættumatið.
Sustainalytics hefur nú mælt UFS-áhættu fyrirtækja í tæpa þrjá áratugi og er meðal þeirra alþjóðlegu matsfyrirtækja sem fjárfestar horfa helst til þegar UFS-áhætta fyrirtækja er skoðuð.
![Arinbjörn Ólafsson og Theódór Ragnar Gíslason](https://images.prismic.io/landsbankinn/ZnRdHZm069VX17b8_landsbankinn_defend_iceland.jpg?fit=max&w=3840&rect=219,0,3201,2401&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)
![Grænland](https://images.prismic.io/landsbankinn/ZlCHdCol0Zci9bJI_Gr%C3%A6nland.jpg?fit=max&w=3840&rect=0,5,1600,1200&q=50)
![Netöryggi](https://images.prismic.io/landsbankinn/f42fdc35-e151-459a-801d-e531af81adc9_LB_Netoryggi_Folsk_skilabod_1920x1080_6.jpg?fit=max&w=3840&rect=240,0,1440,1080&q=50)
![Námsstyrkir 2024](https://images.prismic.io/landsbankinn/Zl3eBZm069VX1alz_4M6A0671.jpg?fit=max&w=3840&rect=223,63,1511,1133&q=50)
![Skólahreysti 2024](https://images.prismic.io/landsbankinn/ZlSG_Ck0V36pXqGI_skolahreysti-2024-floaskoli.jpg?fit=max&w=3840&rect=469,323,1276,957&q=50)
![Netöryggi](https://images.prismic.io/landsbankinn/a4f91a12-f6c1-4ce2-a703-d1175758ccdd_Netoryggi_1920-1080_031121.jpg?fit=max&w=3840&rect=0,0,2880,2160&q=50)
![Austurbakki](https://images.prismic.io/landsbankinn/1243cec5-62aa-4133-b98d-d73b70f4c9e7_Landsbanki_Head_Offices_03737.jpg?fit=max&w=3840&rect=0,1078,1440,1080&q=50)
![Plúskort](https://images.prismic.io/landsbankinn/Zk3NHyol0Zci9WR3_pluskort-mynd.png?fit=max&w=3840&rect=0,135,1080,810&q=50)