Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Vegna ráð­gef­andi álits EFTA-dóm­stóls­ins

Austurbakki
23. maí 2024

EFTA-dómstóllinn birti í dag ráðgefandi álit á túlkun á tilteknum ákvæðum tilskipana Evrópusambandsins sem varða fasteignalán til neytenda. Tilskipanirnar hafa verið teknar inn í EES-samninginn og innleiddar með íslenskum lögum.

Álitið var veitt að beiðni héraðsdóms í tveimur dómsmálum sem höfðuð hafa verið gegn Landsbankanum, annars vegar, og Íslandsbanka, hins vegar. Málin varða samningsákvæði um forsendur fyrir breytingum á vöxtum fasteignalána.

EFTA-dómstóllinn dæmir ekki um gildi vaxtabreytingaákvæða í fasteignalánum hér á landi, heldur er það hlutverk íslenskra dómstóla.

Álit EFTA-dómstólsins felur m.a. í sér túlkun á ákvæði fasteignalánatilskipunar 2014/17/EBE um forsendur fyrir vaxtabreytingum fasteignalána. Það ákvæði hefur verið innleitt í íslensk lög, þ.e. lög nr. 118/2016 um fasteignalán til neytenda. Íslensku lögin hafa hins vegar jafnframt að geyma sérreglu um skilyrði fyrir vaxtabreytingum sem ekki er að finna í fasteignalánatilskipuninni.

Í ráðgefandi áliti dómstólsins er komist að þeirri niðurstöðu að til greina komi að styðjast við aðrar forsendur við vaxtabreytingar en viðmiðunarvísitölur eða viðmiðunarvexti og ættu kröfur um skýrleika, aðgengileika, hlutlægni og sannreynanleika jafnframt við um slíka þætti. Þá geri fasteignalánatilskipunin þá kröfu að skilmálar og upplýsingar sem neytanda eru veittar skuli vera formlega og málfræðilega skiljanlegar og gera neytanda kleift að skilja þá aðferð sem beitt er við ákvörðun vaxta þannig að neytandi verði í aðstöðu til að meta fjárhagslegar afleiðingar samnings fyrir sig. Í niðurstöðu dómstólsins er ekki kveðið á um að  vaxtabreytingarákvæðið í fasteignalánum Landsbankans uppfylli ekki framangreindar kröfur. Það er mat bankans að kröfur íslenskra laga þar að lútandi séu uppfylltar.

Álitið felur jafnframt í sér túlkun á tilskipun 93/13/EBE um óréttmæta skilmála í neytendasamningum. Sú tilskipun kveður m.a. á um kröfur um ítarlega upplýsingagjöf og skýr, hlutlæg og skiljanleg viðmið þannig að neytandi geti metið afleiðingar skilmála um fjárhagslegar skuldbindingar. EFTA-dómstóllinn tekur ekki endanlega afstöðu til þess hvort Landsbankinn hafi uppfyllt þessar kröfur. Það sé dómstóla á Íslandi að skera úr um þetta og meta áhrif þess ef þær kröfur eru ekki uppfylltar. Það er mat bankans að þær kröfur séu uppfylltar.

Umrætt dómsmál gagnvart Landsbankanum verður nú tekið til áframhaldandi meðferðar hjá Héraðsdómi Reykjavíkur.

Þú gætir einnig haft áhuga á
16. apríl 2025
Þjónusta um páskana – appið og Ellí loka ekki
Útibú og þjónustuver Landsbankans verða að venju lokuð um páskana og opna næst þriðjudaginn 22. apríl nk.
9. apríl 2025
Hagspá til 2027: Ágætis horfur en allt getur breyst
Greiningardeild Landsbankans gaf í dag út hagspá til ársins 2027. Greiningardeildin spáir því að hagvöxtur verði 1,4% í ár og 2,1% á næsta ári. Óvissan hefur sjaldan verið meiri og því má segja að hagspáin gildi þar til annað kemur í ljós. 
8. apríl 2025
Húsfyllir í Landsbankanum á HönnunarMars
Húsfyllir var í Landsbankanum á HönnunarMars föstudaginn 4. mars og stemningin var ótrúlega skemmtileg. Dagskráin byrjaði á samtali um fjárfestingar í hönnun og um kvöldið var ungum og upprennandi fatahönnuðum gefið sviðið.
Fjölskylda úti í náttúru
7. apríl 2025
Úrræði að renna út hjá mörgum - viðbótarlífeyrissparnaður og fyrstu kaup
Þau sem kaupa sína fyrstu fasteign geta notað viðbótarlífeyrissparnað í 10 ár til að greiða skattfrjálst inn á íbúðalánið sitt. Þar sem nú eru rúmlega 10 ár liðin frá því lög voru fyrst sett um þetta úrræði er það að renna út hjá sumum, hafi það ekki þegar gerst.
Landsbankinn
27. mars 2025
Afgreiðslan á Seyðisfirði færist til Egilsstaða
Þjónusta afgreiðslu Landsbankans á Seyðisfirði mun færast til útibúsins á Egilsstöðum föstudaginn 4. apríl nk.
27. mars 2025
Vel heppnaður fundur um hvernig hægt er að finna milljón
Hátt í 200 manns sóttu fræðslufund um fjármál sem haldinn var í Landsbankanum Reykjastræti þar sem rætt var um hvernig hægt er að finna milljón með því að draga úr útgjöldum eða auka tekjur.
Eystra horn
27. mars 2025
Hagnaður Landsbréfa 1.272 milljónir á árinu 2024
Landsbréf hf. hafa birt ársreikning vegna ársins 2024. 
HönnunarMars 2025
26. mars 2025
Fjölbreyttur HönnunarMars 2025 í Landsbankanum
Landsbankinn er einn af aðalstyrktaraðilum HönnunarMars og tekur þátt í hátíðinni með virkum hætti. Haldnir verða spennandi viðburðir í bankanum í Reykjastræti og við höfum gert myndbönd um sjö hönnuði sem birtast á Youtube-rás bankans.
Landsbankinn
24. mars 2025
Fyrstur til að miðla upplýsingum í dánarbúsmálum rafrænt til sýslumanna
Landsbankinn miðlar nú rafrænt upplýsingum um stöðu eigna og skulda látinna á dánardegi beint í dánarbúskerfi sýslumanna. Þetta á til dæmis við um stöðu bankareikninga og íbúðalána.
Landsbankinn og TM
21. mars 2025
Útibú TM og Landsbankans sameinast
Útibú TM og Landsbankans á Akureyri, Reykjanesbæ og í Vestmannaeyjum munu sameinast mánudaginn 24. mars 2025. Þar með geta viðskiptavinir sótt sér banka- og tryggingaþjónustu á einum og sama staðnum.