Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Opn­un­ar­tími stytt­ist í sjö úti­bú­um en þjón­ustu­tími óbreytt­ur

23. ágúst 2023 - Landsbankinn

Þann 13. september styttist opnunartími í sjö útibúum bankans um þrjár klukkustundir og verður þar framvegis opið frá kl. 12-15. Þó almennur opnunartími styttist verður áfram hægt að panta tíma í þessum útibúum frá kl. 10-16 og fjarfund til kl. 18 þannig að þjónustutími skerðist ekki. Á öllum þessum stöðum eru hraðbankar aðgengilegir allan sólarhringinn.

Þá mun útibúum fækka um eitt þegar Vesturbæjarútibú í Reykjavík sameinast nýja útibúinu í Reykjastræti 6.

Engar uppsagnir fylgja breytingunum og starfshlutföll haldast óbreytt. Breytingarnar taka sem fyrr segir gildi 13. september.

Opnunartími breytist í kl. 12-15 alla virka daga á eftirfarandi stöðum:

  • Dalvík
  • Grindavík
  • Höfn í Hornafirði
  • Húsavík
  • Hvolsvöllur
  • Ólafsvík
  • Reyðarfjörður

Heimsóknum fækkar og aðgerðum í appi og netbanka fjölgar

Ástæðan fyrir breytingunum er að heimsóknum viðskiptavina í útibú heldur áfram að fækka, í takt við aukna notkun á appi og netbanka. Þá fjölgum við stöðugt aðgerðum sem mögulegt er að framkvæma í appinu eða netbankanum. Erindum sem aðeins er hægt að leysa í útibúi hefur því fækkað.

Starfsfólk á landsbyggðinni veitir þjónustu óháð búsetu

Starfsfólk í útibúum á landsbyggðinni hefur á undanförnum árum í auknum mæli tekið þátt í að veita ráðgjöf og þjónustu í gegnum síma, í gegnum tölvupóst eða á fjarfundum, óháð búsetu viðskiptavina. Sem dæmi má nefna að árið 2022 voru um 60% af bókuðum ráðgjafarsamtölum veitt af starfsfólki á landsbyggðinni og á þessu ári hafa þau alls veitt tæplega 10.000 viðskiptavinum aðstoð í gegnum síma. Með því að stytta opnunartíma fær starfsfólkið meira svigrúm til að sinna þessum verkefnum. Áhersla okkar á vera til staðar um allt land er óbreytt.

Hraðbankar áfram í Vesturbæ

Heimsóknum í Vesturbæjarútibú hefur fækkað töluvert á undanförnum árum og var því ákveðið að það myndi sameinast nýja útibúinu í Reykjastræti 6 sem opnar 13. september. Starfsfólk í Vesturbæjarútibú heldur áfram störfum í öðrum útibúum bankans á höfuðborgarsvæðinu. Hraðbankar og önnur sjálfsafgreiðslutæki verða áfram aðgengileg í Vesturbænum.

Eftir þessar breytingar mun bankinn reka 35 útibú og afgreiðslur um allt land, þar af sex á höfuðborgarsvæðinu.

Þú gætir einnig haft áhuga á
16. apríl 2025
Þjónusta um páskana – appið og Ellí loka ekki
Útibú og þjónustuver Landsbankans verða að venju lokuð um páskana og opna næst þriðjudaginn 22. apríl nk.
9. apríl 2025
Hagspá til 2027: Ágætis horfur en allt getur breyst
Greiningardeild Landsbankans gaf í dag út hagspá til ársins 2027. Greiningardeildin spáir því að hagvöxtur verði 1,4% í ár og 2,1% á næsta ári. Óvissan hefur sjaldan verið meiri og því má segja að hagspáin gildi þar til annað kemur í ljós. 
8. apríl 2025
Húsfyllir í Landsbankanum á HönnunarMars
Húsfyllir var í Landsbankanum á HönnunarMars föstudaginn 4. mars og stemningin var ótrúlega skemmtileg. Dagskráin byrjaði á samtali um fjárfestingar í hönnun og um kvöldið var ungum og upprennandi fatahönnuðum gefið sviðið.
Fjölskylda úti í náttúru
7. apríl 2025
Úrræði að renna út hjá mörgum - viðbótarlífeyrissparnaður og fyrstu kaup
Þau sem kaupa sína fyrstu fasteign geta notað viðbótarlífeyrissparnað í 10 ár til að greiða skattfrjálst inn á íbúðalánið sitt. Þar sem nú eru rúmlega 10 ár liðin frá því lög voru fyrst sett um þetta úrræði er það að renna út hjá sumum, hafi það ekki þegar gerst.
Landsbankinn
27. mars 2025
Afgreiðslan á Seyðisfirði færist til Egilsstaða
Þjónusta afgreiðslu Landsbankans á Seyðisfirði mun færast til útibúsins á Egilsstöðum föstudaginn 4. apríl nk.
27. mars 2025
Vel heppnaður fundur um hvernig hægt er að finna milljón
Hátt í 200 manns sóttu fræðslufund um fjármál sem haldinn var í Landsbankanum Reykjastræti þar sem rætt var um hvernig hægt er að finna milljón með því að draga úr útgjöldum eða auka tekjur.
Eystra horn
27. mars 2025
Hagnaður Landsbréfa 1.272 milljónir á árinu 2024
Landsbréf hf. hafa birt ársreikning vegna ársins 2024. 
HönnunarMars 2025
26. mars 2025
Fjölbreyttur HönnunarMars 2025 í Landsbankanum
Landsbankinn er einn af aðalstyrktaraðilum HönnunarMars og tekur þátt í hátíðinni með virkum hætti. Haldnir verða spennandi viðburðir í bankanum í Reykjastræti og við höfum gert myndbönd um sjö hönnuði sem birtast á Youtube-rás bankans.
Landsbankinn
24. mars 2025
Fyrstur til að miðla upplýsingum í dánarbúsmálum rafrænt til sýslumanna
Landsbankinn miðlar nú rafrænt upplýsingum um stöðu eigna og skulda látinna á dánardegi beint í dánarbúskerfi sýslumanna. Þetta á til dæmis við um stöðu bankareikninga og íbúðalána.
Landsbankinn og TM
21. mars 2025
Útibú TM og Landsbankans sameinast
Útibú TM og Landsbankans á Akureyri, Reykjanesbæ og í Vestmannaeyjum munu sameinast mánudaginn 24. mars 2025. Þar með geta viðskiptavinir sótt sér banka- og tryggingaþjónustu á einum og sama staðnum.