Binditími kallast sá tími sem ekki er hægt að millifæra af bankareikningum og upphæð reikningsins situr því bundin inni á reikningnum. Þegar reikningur er óbundinn er hægt að millifæra af reikningnum hvenær sem er.

Binditími og innvextir haldast í hendur, því lengri sem binditími er, því hærri eru innvextir reikningsins.

Verðtryggðir reikningar eru tengdir verðbólgu svo innstæða reikningsins hækkar eftir því sem verðbólga eykst til viðbótar við vexti reikningsins. Verðtryggðir reikningar geta hentað vel til langtímasparnaðar þar sem innstæða reikningsins fylgir verðlagi í landinu.

Á ákveðnum reikningum er greiðslufyrirkomulag vaxtagreiðslna tvennskonar, annað hvort eru þeir greiddir mánaðarlega eða árlega. Vextir eru alltaf gefnir upp á ársgrundvelli svo sama ávöxtun innstæðunnar er tryggð sama hvort er valið.

Greiðslureikningur er reikningur sem þú notar til að framkvæma greiðslu, eins og að senda millifærslu og borga reikninga. Veltureikningar og flestar tegundir sparireikninga eru greiðslureikningar.

Þú getur stofnað reikning í netbanka einstaklinga fyrir börn yngri en 18 ára ef þau eru í sama fjölskyldunúmeri. Ef ekki er búið að svara áreiðanleikakönnun fyrir barnið þá koma þær spurningar sjálfkrafa upp í netbankanum við stofnun reikningsins. Þar sem eingöngu má veita forráðamönnum upplýsingar um reikninga barna er ekki hægt að gera nýstofnaðan reikning sýnilegan í netbanka þess sem stofnar, þar sem ekki liggja fyrir upplýsingar um forræði barnsins innan fjölskyldunúmersins. Reikningsnúmerið birtist samt sem áður strax í Eftirlætis viðtakendum í Innlendum millifærslum í netbankanum. Þjónustuverið aðstoðar forráðamenn við að birta reikninginn í netbankanum.

Hafa samband

Í appinu getur þú veitt öðrum skoðunaraðgang að reikningnum þínum eða leyfi til að millifæra fyrir þína hönd.

Nánar um aðgangsheimildir

Já, ef maki er með millifærsluheimild á bankareikning þá getur þú sótt um debetkort fyrir hann með því að hafa samband við okkur í síma 410 4000 eða í tölvupósti á landsbankinn@landsbankinn.is.