Sjálfbærni snýst um að nýta takmarkaðar auðlindar jarðar til að mæta þörfum samtímans án þess að draga úr möguleikum komandi kynslóða til þess að mæta sínum þörfum.

Peningar sem eru lagðir inn á sjálfbæran sparireikning eru eyrnamerktir lánum til verkefna sem falla undir sjálfbæra fjármálaumgjörð bankans. Við birtum opinberlega upplýsingar um aðgerðir ársins undir sjálfbærri fjármálaumgjörð bankans ár hvert í skýrslu sem er tekin út af óháðum aðila.

Með því að fjárfesta í sjálfbærum verkefnum og fyrirtækjum. Eignadreifing sjálfbær er dæmi um sjóð sem hefur það sem markmið að ná fram ávöxtun og dreifingu áhættu með sjálfbærni að leiðarljósi. Starfsfólk sjóðsins greinir fjárfestingarkosti út frá sjálfbærniþáttum fyrirtækja. Litið er til frammistöðu fyrirtækja í UFS-málum (umhverfismál, félagslegir þættir og stjórnarhættir) og einkunna frá matsfyrirtækjum eins og MSCI, Reitun, Sustainalytics o.fl.

Greiningar ytri aðila eru nýttar við val á fjárfestingarkostum. Slíkar greiningar skoða sérstaklega nálgun fyrirtækja og sjóða í sjálfbærnimálum og hvort þau skoði og stýri sjálfbærniáhættu. Einungis þegar fjárfestingarkostur stenst kröfur sjóðstjóra varðandi sjálfbærniþætti, ásamt öðrum kröfum um verð og vænta ávöxtun, er fjárfest.

Peningur sem lagður er inn á sjálfbæran innlánsreikning fer í verkefni sem falla undir sjálfbærni samkvæmt sjálfbærri fjármálaumgjörð Landsbankans. Þetta geta t.d. verið:

Verkefni tengd orkuskiptunum:

• Leggja hjóla- og göngustíga
• Vindmyllur
• Hleðslustöðvar
• Rafmagnsbílar
• Sólarrafhlöður

Verkefni sem leiða til:

• Minni plastnotkunar
• Minni úrgangs
• Bættrar endurvinnslu
• Aukinnar flokkunar og endurnýtingar
• Skógrækt

Ræktun á lífrænu grænmeti

Lífræn landbúnaðarstarfsemi

Sjálfbærar fiskveiðar

Endurheimt votlendis

Árlega er gefin út skýrsla þar sem bankinn miðlar upplýsingum um hvað fjármagn undir sjálfbæru fjármálaumgjörðinni fór í á árinu.

Sjálfbær fjármálaumgjörð skilgreinir hvaða aðgerðir og verkefni í atvinnulífinu geta talist sjálfbær og eru nákvæmar skilgreiningar fyrir hvern flokk. Með því að gefa út vandaða umgjörð skapa bankar umhverfi sem gerir þeim kleift að miðla fjármagni til sjálfbærra verkefna á gagnsæjan og trúverðugan hátt.

Sjálfbær fjármálaumgjörð Landsbankans

Það má taka peninginn út hvenær sem er.

Lágmarkskaup í Eignadreifing sjálfbær er 10.000 krónur, afgreiðslugjald er 450 krónur og gjald við kaup 1%. Afgreiðslutími sjóðsins er frá 09:30 – 13:30 og uppgjörstími er tveir bankadagar. Einnig er hægt að stofna áskrift að sjóðnum, en þá er keypt fyrir fasta upphæð mánaðarlega. Með mánaðarlegri áskrift greiðir þú ekkert gjald við kaup og greiðir lægra afgreiðslugjald.

Já, verkefni sem falla undir sjálfbæra fjármálaumgjörð stuðla að markmiðum Parísarsamkomulagsins um að halda hnattrænni hlýnun innan við 1,5°C hækkun frá iðnvæðingu.

Regnbogaskuldabréf eru litakóðuð skuldabréf tengd sjálfbærni:

• Græn skuldabréf eru hefðbundin skuldabréf sem eru gefin út til að fjármagna ákveðin verkefni sem stuðla að jákvæðum umhverfisáhrifum. Við það að skuldbinda fjármagnið í umhverfisvæn verkefni, sem uppfylla skilyrði sjálfbærrar fjármálaumgjarðar, geta skuldabréf kallast græn. Upplýsingum um jákvæð umhverfisáhrif sem hljótast af slíkum verkefnum þarf að birta árlega.
• Blá skuldabréf eru hefðbundin skuldabréf sem eru gefin út til að fjármagna verkefni sem vernda og nýta hafið og auðlindir þess á sjálfbæran hátt, í því skyni að stuðla að sjálfbærri þróun. Þau eru undirflokkur grænna skuldabréfa. Upplýsingum um jákvæð umhverfisáhrif slíkra verkefna þarf að birta árlega.
• Brún eða umbreytingarskuldabréf eru hefðbundin skuldabréf sem eru gefin út til þess að styðja við orkuskiptin eða félagslega uppbyggingu. Þau eru hugsuð fyrir orkufrekan iðnað sem losar mikið af gróðurhúsalofttegundum og er ætlað að auðvelda aðgang að hagkvæmri fjármögnun verkefna sem innleiða orkuskipti í slíka starfsemi. Brúni liturinn á einnig við um skuldabréf sem fjármagna verkefni sem stuðla að jákvæðum félagslegum áhrifum.