Þú getur sótt um lán í appinu eða hér á vefnum með einföldum hætti. Ferlið er einfalt og skiptist í fjóra hluta. Að loknum hverjum hluta getur þú hætt og haldið áfram síðar þaðan sem frá var horfið.

Ef þú vilt átta þig betur á greiðslugetu þinni án þess að fara í gegnum greiðslumat þá getur þú áætlað hana með þar til gerðri reiknivél.

Ef þig vantar einhverja aðstoð við umsóknina, getur þú pantað tíma í ráðgjöf og ráðgjafar okkar aðstoða við lántökuna.

• Sækja um lán
• Nánar um greiðslumat
• Panta tíma í ráðgjöf

Hámarks lánstími óverðtryggðra lána er 40 ár. Verðtryggð lán geta að hámarki verið til 25 ára en 30 ár til fyrstu kaupenda.

Hámarks lánstími viðbótarlána er 25 ár.

Þegar þú tekur lán greiðir þú alltaf vexti af eftirstöðvum skuldanna. Ef þú dreifir skuldunum yfir langt tímabil verður greiðslubyrðin lægri, en þú greiðir vexti allan þann tíma.

Eftir því sem lánstíminn er styttri, greiðir þú lánið hraðar niður og greiðir vexti í styttri tíma. Styttri lán eru því ódýrari þótt greiðslubyrðin sé hærri.

Við kaup á fasteign getur lánshlutfall verið allt að 80% af kaupverði eignar, 60% grunnlán og 20% viðbótarlán. Við lánum allt að 85% fyrir fyrstu kaupendur, 60% grunnlán og 25% viðbótarlán.

Við endurfjármögnun getur hámarks veðsetning verið 70% af fasteignamati eignar, 60% grunnlán og 10% viðbótarlán.

Íbúðalánið þarf að vera á fyrsta veðrétti og/eða í samfelldri veðröð frá fyrsta veðrétti.

Lánsfjárhæð fer m.a. eftir niðurstöðum úr greiðslumatinu þínu en hámarks fjárhæð grunnláns getur þó aldrei orðið hærri en 90.000.000 eða samanlagt brunabótamat og lóðamat íbúðarhúsnæðisins.

Einnig þarft þú að hafa í huga að Seðlabankinn hefur sett reglur um hámark greiðslubyrðar fasteignalána í hlutfalli við tekjur neytenda. Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup. Sjá nánar hér að neðan í spurningu um greiðslubyrðarhlutfall Seðlabankans.

Pantaðu tíma í ráðgjöf ef þú þarft hærra lán en 60 milljónir.

Seðlabankinn hefur sett reglur um hámark greiðslubyrðar fasteignalána í hlutfalli við tekjur neytenda. Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup.

Við útreikning á greiðslubyrðarhlutfallinu fyrir óverðtryggð lán er miðað við 40 ára lánstíma og samningsvexti láns en að lágmarki 5,5% vexti en fyrir verðtryggð lán er miðað við 25 ára lánstíma og samningsvexti láns en að lágmarki 3% vexti.

Nánari upplýsingar um reglurnar

Þegar um jafnar afborganir af höfuðstól er að ræða þá felur það í sér að sá hluti greiðslunnar sem lántaki greiðir hverju sinni inn á höfuðstólinn helst fastur út lánstímann sé litið fram hjá áhrifum verðbólgu. Uppsafnaðir vextir leggjast við afborgun af höfuðstólnum. Greiðslubyrðin er hærri í byrjun lánstímans en lækkar með tímanum og verður á endanum lægri en ef jafngreiðslulán hefði verið valið. 

Lán með jöfnum greiðslum (annuitet) þýðir að sá hluti greiðslunnar sem þú borgar inn á höfuðstólinn helst fastur út lánstímann, það er hver gjalddagi er jafn hár þeim næsta sé litið fram hjá áhrifum verðbólgu. Þú borgar lítið inn á höfuðstólinn í fyrstu en eftir því sem vextirnir lækka greiðir þú meira inn á höfuðstólinn og lækkar þannig lánið. Afborgun af höfuðstól er mjög lág til að byrja með og eignamyndun hraðar síðari hluta lánstímans heldur en fyrri hluta hans.

Hægt er að taka fasta vexti í 36 eða 60 mánuði í senn eða breytilega vexti sem taka mið af vaxtatöflu hverju sinni. Ákveða þarf hvort festa eigi vexti aftur eða láta þá færast sjálfkrafa yfir á breytilega vexti  að fastvaxtatímabili loknu. 

Lántökugjald er ... og er það sama gjald hvort sem verið er að endurfjármagna eða kaupa.

Lántökugjald fyrir íbúða- og fasteignalán tengd erlendum gjaldmiðli er ...  

Einnig þarf að hafa í huga kostnað við greiðslumat og svo þinglýsingu lánaskjala.

Við fellum niður lántökugjald við fyrstu kaup. Ef tveir aðilar eru að kaupa fasteign saman og annar þeirra er að kaupa sína fyrstu eign, þá er lántökugjaldið jafnframt fellt niður.

Lán sem er með breytilegum vöxtum ber ekki uppgreiðslugjald.

Ef lánið er með föstum vöxtum getur þú þurft að borga uppgreiðslugjald, en bara ef fastir vextir á sambærilegu láni eru lægri en á láninu þínu.

• Uppgreiðslugjald getur að hámarki numið 0,2% fyrir hvert heilt ár sem eftir stendur af fastvaxtatímabili og aldrei hærra en 1% af fjárhæð endurgreiðslu.
• Uppgreiðslugjald á við þegar greitt er inn á lán og þegar það er greitt upp.
• Heimilt að greiða inn á íbúðalán með föstum vöxtum 1.000.000 kr. á almanaksári án þess að greiða uppgreiðsluþóknun.

Uppgreiðslugjöld lána eru einnig mismunandi milli lánastofnanna.

Ráðgjafar okkar geta aðstoðað þig við að reikna út hvaða áhrif uppgreiðslugjaldið hefur á lánið þitt.

Það geta allir sótt um íbúðalán en skilyrði fyrir lántöku er að vera lánshæfur (skilvís) og standast greiðslumat Landsbankans, óháð því hvar önnur bankaviðskipti eru.

Fyrsta skrefið áður en sótt er um íbúðalán er að fara í gegnum greiðslumat til að átta sig á stöðunni og lánamöguleikum.

Einnig þarft þú að hafa í huga að Seðlabankinn hefur sett reglur um hámark greiðslubyrðar fasteignalána í hlutfalli við tekjur neytenda. Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup. Sjá nánar hér að neðan í svarinu við spurningu um greiðslubyrðarhlutfall Seðlabankans.

Til að vera lánshæfur mega ekki vera til staðar  vanskil eða vanskilamerkingar,  skuldsetning hófleg og næg greiðslugeta þarf að vera til staðar.

Hófleg skuldsetning og sparnaður hafa almennt jákvæð áhrif á lánshæfismatið en vanskil neikvæð. Til að viðhalda góðu lánshæfi er því nauðsynlegt að haga skuldsetningu í samræmi við greiðslugetu og greiða afborganir af lánum á tilskildum tíma.

Íbúðalán eru einungis veitt á eina eign þar sem lántaki er með búsetu. Fasteignalán eru í boði fyrir þá sem eru að kaupa aðra fasteign hvort sem er um íbúðarhúsnæði eða aðrar tegundir fasteigna. Önnur kjör og viðmið gilda um veðhlutfall en um lánshæfi- og greiðslumat gilda sömu viðmið og um íbúðalán. Sjá nánar

Til að festa vexti þarf að endurfjármagna núverandi lán. Þú getur sótt um endurfjármögnun hér á vefnum eða í gegnum Landsbankaappið.

Vextir ráðast af samanlögðu lánshlutfalli, þ.e. hvað þú hefur samanlagt fengið lán fyrir stórum hluta af verðmæti íbúðarinnar. Ef lánshlutfallið er lægra en 60% af fasteignamati íbúðarinnar greiðir þú lægri vexti. Vextirnir lækka enn frekar ef lánshlutfallið er lægra en 50% af fasteignamati. Sjá nánar í vaxtatöflu.

Þér er alltaf velkomið að panta tíma í ráðgjöf hjá okkur. Við aðstoðum þig gjarnan.

Vextir íbúðalána miðast við vaxtatöflu hverju sinni. Ef lánshlutfallið er lægra en 50% af fasteignamati íbúðarinnar greiðir þú lægri vexti.

Ef óskað er eftir að festa vexti á íbúðaláni þá miðast kjörin við þá vaxtatöflu sem er í gildi þegar sótt er um endurfjármögnun.

Pantaðu tíma í ráðgjöf og við förum yfir það hvort íbúðalánið þitt uppfylli skilyrði um veðflutning á milli fasteigna.