7. nóvember 2022 - Greiningardeild
Vikan framundan
- Í dag birta Icelandair og Play flutningstölur.
- Á þriðjudag birtir Seðlabankinn útreikning á raungenginu og veltu á gjaldeyrismarkaði.
- Á miðvikudag birta Lánamál ríkisins Markaðsupplýsingar.
- Á fimmtudag birtir Kvika banki árshlutauppgjör og Vinnumálastofnun birtir skráð atvinnuleysi. Samkvæmt útgáfuáætlun áætlar Ferðamálastofa að birta talningu á fjölda brottfara um Leifsstöð þann dag. Einnig fáum við verðbólgutölur frá Bandaríkjunum þennan dag.
- Á föstudag birtir Hagstofan þjóðhagsspá.
Mynd vikunnar
Heildarfjöldi gistinótta á öllum tegundum skráðra gististaða hér á landi voru 7,1 milljón á fyrstu 9 mánuðum ársins, sem er mesti fjöldi sem mælst hefur frá upphafi. Þetta eru 155 þúsund fleiri gistinætur en á fyrstu níu mánuðum ársins 2018 sem til þessa var metárið. Svo virðist sem Íslendingar séu orðnir duglegri að ferðast um landið en fyrir faraldur, en gistinóttum Íslendinga á fyrstu níu mánuðum ársins fjölgaði um 60% miðað við sama tímabil árið áður en faraldurinn skall á (2019). Gistinóttum útlendinga fækkaði um 4% miðað við sama tímabil á meðan erlendrum ferðamönnum fækkaði um 20%. Þetta bendir til þess að erlendir ferðamenn séu að dvelja lengur en fyrir faraldur. Taka skal fram að hluti gistinótta í gegnum Airbnb eru óskráðar og því ekki inni í þessum tölum, sem kann að skekkja myndina..
Það helsta frá vikunni sem leið
- Bæði Seðlabanki Bandaríkjanna og Englandsbanki hækkuðu vexti um 0,75 prósentustig í síðustu viku, en Evrópski seðlabankinn tilkynnti um 0,75 prósentustiga hækkun vikuna áður. Hækkanirnar voru allar í samræmi við væntingar. Eftir þessar hækkanir eru stýrivextir 4% í Bandaríkjunum, 3% í Bretlandi og 2% á evrusvæðinu. Það komu einnig verðbólgutölur fyrir evrusvæðið í síðustu viku, en verðbólgan mældist 10,7% í október samanborið við 9,9% í september.
- Af hagtölum hér á landi var það helst að frétta að Hagstofan birti niðurstöður úr vinnumarkaðsrannsókn sinni fyrir 3F og gistinætur í september. Seðlabankinn birti talnaefni um lífeyrissjóði.
- Fjögur skuldabréfaútboð voru í síðustu viku, en Orkuveita Reykjavíkur, Lánamál ríkisins, Arion banki og Reykjavíkurborg héldu útboð. Auk þess gaf HS Veitur út nýjan grænan skuldabréfaflokk.
- Eimskip, Marel (fjárfestakynning), Play, Sýn og Reginn birtu árshlutauppgjör.
- Við birtum Hagsjár um losun gróðurhúsalofttegunda, íbúðauppbyggingu, sértryggð skuldabréf og hlutabréfamarkaðinn. Auk þess tókum við upp hlaðvarpsþátt um íbúðamarkaðinn og lánaumhverfið.
Hagtölur og markaðsupplýsingar
Þú gætir einnig haft áhuga á
3. feb. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. feb. 2025
Halli af vöruviðskiptum jókst í fyrra, en ekki með sama hraða og síðustu tvö ár þar á undan. Að það hægi á aukningunni gæti verið merki um að jafnvægi sé að aukast í hagkerfinu, en á móti kemur að innflutningsverðmæti hafa aldrei verið meiri sem gæti verið merki um aukin umsvif.
3. feb. 2025
Verðbólga lækkaði á milli mánaða í janúar, úr 4,8% í 4,6%. Við eigum von á að Seðlabankinn lækki vexti um 0,5 prósentustig á miðvikudaginn. Fyrstu uppgjör fyrir árið 2024 komu í síðustu viku, en uppgjörstímabilið heldur áfram í þessari viku.
30. jan. 2025
Við spáum 0,5 prósentustiga vaxtalækkun í næstu viku. Verðbólga mældist 4,6% í janúar. Hún hjaðnaði í takt við spá okkar og hefur þokast niður um 0,5 prósentustig frá síðustu vaxtaákvörðun. Hægt hefur á íbúðaverðshækkunum og verðbólguvæntingar virðast stöðugri en áður. Laun hafa hækkað mun minna en áður og vinnumarkaður hefur leitað í eðlilegra horf.
30. jan. 2025
Vísitala neysluverðs lækkaði um 0,27% á milli mánaða í janúar, samkvæmt nýbirtum tölum Hagstofu Íslands. Ársverðbólga lækkar því úr 4,8% í 4,6%. Við eigum enn von á að verðbólga hjaðni næstu mánuði og verði 3,9% í apríl.
27. jan. 2025
Í vikunni birtast verðbólgutölur fyrir janúar. Við eigum von á að verðbólga hjaðni og mælist 4,6%. Í síðustu viku birtist vísitala íbúðaverðs fyrir desember sem sýndi lækkun upp á 0,6% á milli mánaða. Vísitala leiguverðs sýndi einnig lækkun á milli mánaða, um 0,9%.
24. jan. 2025
Launavísitala Hagstofunnar hækkaði um 6,6% árið 2024. Á síðustu mánuðum hefur hægt verulega á launahækkunum, bæði vegna minni kjarasamningsbundinna hækkana en síðustu ár og minna launaskriðs. Kaupmáttur hefur því sem næst staðið í stað og óhætt að segja að staðan á vinnumarkaði styðji nú mun betur við verðstöðugleika en áður.
20. jan. 2025
Kortaveltutölur sem komu í síðustu viku voru nokkuð sterkar og sýndu að kortavelta heimilanna jókst nokkuð á milli ára í desember. Það voru tvö uppgjör í síðustu viku, Hagar og Ölgerðin, en fjárhagsár þessa tveggja félaga er, ólíkt öðrum félögum í kauphöllin, ekki hið sama og almanaksárið. Í vikunni fram undan fáum við vísitölur íbúðaverðs og leiguverðs frá HMS.
20. jan. 2025
Kortavelta landsmanna var alls 4,2% meiri á síðasta ári en árið 2023 og jókst milli ára alla mánuði ársins, miðað við fast verðlag og gengi. Telja má líklegt að Seðlabankinn fylgist vel með neyslustiginu í vaxtalækkunarferlinu og reyni að koma í veg fyrir að uppsafnaðar innistæður hrúgist út í neyslu. Neysla ferðamanna hér á landi mældist aðeins 1% meiri í fyrra en árið áður sé miðað við fast verðlag.
17. jan. 2025
Krónan styrktist á móti evru en veiktist aðeins á móti Bandaríkjadal á árinu 2024. Árið var nokkuð rólegt á millibankamarkaði með gjaldeyri þar sem velta dróst saman og minna var um flökt.